Bugatti EB110 Sport Competizione është kthyer në rrugën e duhur pas 25 vjetësh nga gara e fundit në të cilën mori pjesë.

Dy vjet pas debutimit të konceptit, Bugatti zbuloi një version prodhimi të modelit unik La Voiture Noire. Kompania po përgatitet gjithashtu që të nxjerr në shitje modelin, Centodieci, i cili është një version modern i veturës super sportive EB110 SS nga vitet 1990. Përveç 139 njësive rrugore, Bugatti gjithashtu ka prodhuar dy vetura garuese në fabrikë EB110 që zhvillojnë deri në 690 kuaj/fuqi, dhe tani njëra prej tyre është përsëri në rrugë të mbarë për herë të parë në 25 vjet.

E para ishte blu EB110 LM, e cila garoi në 24 Orët e Le Mans 1994. Vetura tërhoqi vëmendjen e Guild Pallance-Pastor, i cili vendosi një rekord shpejtësie në akull në 1995 EB110 Super Sport. Ai dëshironte të merrte pjesë në garat zyrtare të serisë amerikane IMSA dhe garave të tjera të durimit, kështu që ai kërkoi nga Bugatti të prodhonte një veturë gare për të, raporton sportauto.

Rezultati ishte EB110 Sport Competizione, i cili u bë në vetëm gjashtë muaj. Është më i lehtë dhe më i shpejtë se një veturë rrugore gjersa Bugatti planifikoi të prodhonte tre kopje. Sidoqoftë, vetëm një u bë për shkak të problemeve me financat dhe furnitorët.

Pallanca-Pastor ka hyrë në garat IMSA dhe BPR Global GT Series, një seri ndërkombëtare e krijuar për makina super sportive bazuar në modelet e prodhimit. EB110 SC kishte performancë të mirë, por kërkesa për vetura super sportive ra dhe pjesët e zëvendësimit u bënë gjithnjë e më të vështirë për tu gjetur. Bugatti përfundimisht falimentoi në 1995 dhe u ringjall nga Volkswagen Group në vitin 1998.

Vetura u riparua dhe iu shit një koleksionisti, 25 vjet pas garës së fundit. Bugatti i rrallë EB110 Sport Competizione është kthyer në Dijon për një set fotografik, kështu që tani mund të shohim se si duket kjo unike. /Telegrafi/