Blerta Leka ka frikë se mos e vendosin në një dhomë me përfaqësuesen e Serbisë në ‘Miss Universe’ (Video)

‘Miss Universe Albania’, Blerta Leka, ka qenë e ftuar në programin “Një kat më lart” të In TV.

Bukuroshja do ta përfaqësojë Shqipërinë në edicionin e këtij viti në ‘Miss Universe’, ndërsa gjatë bisedës ka folur edhe për xhirimin e klipit promovues, të cilin e ka konsideruar të vështirë për t’u realizuar dhe të frikshëm.

26Nentor Shqiperia eshte atje! Do bej maksimumin tim per ta perfaqesuar ate sa me denjesisht. Me uroni fat miq ??

A post shared by Blerta Leka' (@lekablerta) on Sep 28, 2017 at 1:56pm PDT

“Nuk e dija çfarë më priste, një herë që vajta thash o do e bëj ose… nuk e di”, ka thënë ajo. Xhirimet janë bërë në Bovillë, ndërsa Blerta ka treguar se u frikësua shumë kur nisën xhirimet.

Në ndërkohë, moderatori Ermal Peçi e ngacmoi me humor Blertën nëse është bërë gati të bëjë simbolin e shqiponjës me duar në çdo dalje, ashtu si kanë bërë konkurrentet e saj ndër vite.

Për më shumë, ai e ka pyetur nëse ka menduar që t’i thoshte ‘Miss Serbisë’ që ta bënte shqiponjën.

Ajo e ka mohuar diçka të tillë duke qeshur, ndërkohë ka shprehur një shqetësim tjetër.

“Atje zakonisht qëllojmë me një vajzë në dhomë. Zakonisht rrimë me Kosovën”.

“Këtë vit, Kosova nuk ka përfaqësuese dhe po mendoja se me kë do të më vendosnin në dhomë, dhe imagjinoni të më vinin me Serbinë”, është shprehur ajo.

Sidoqoftë, ajo është e gatshme që gjithçka ta zgjidhë me fjalë nëse ndodh diçka e tillë. /Telegrafi/