LAJMI I FUNDIT:

Biserko: Serbët do të kthehen në institucionet e Kosovës, presidenti Vuçiq vazhdimisht propagandon dhe manipulon

Biserko: Serbët do të kthehen në institucionet e Kosovës, presidenti Vuçiq vazhdimisht propagandon dhe manipulon

Duke u larguar nga institucionet e Kosovës, presidenti serb Aleksandar Vuçiq po e teston bashkësinë ndërkombëtare aq sa është e mundshme të manipulojë, shprehet kryetarja e Komitetit të Helsinkit për të Drejtat e Njeriut, Sonja Biserko.

Biserko shton se Vuçiq ka muaj që ka nxitur tensione dhe akuzon në mënyrë sistematike kryeministrin e Kosovës, Albin Kurti.

“Vuçiq, siç e dini, ka muaj që ka nxitur tensione dhe ka akuzuar sistematikisht Kurtin. Nga ana tjetër, Kurti nuk dëshiron ndarje. Vuçiq ka këshilltarë në Prishtinë edhe në Tiranë”, shpjegon Biserko për mediet serbe.

Largimi nga institucionet, sipas saj është një presion shtesë mbi Prishtinën.

“Përveç kësaj, Vuçiq vazhdimisht propagandon ngjarje [të paqena] nëpër media dhe personalisht mendon se Gjermania dhe Britania e Madhe janë prapa gjithçkaje që bën Kurti”, thotë ajo.

“Fakti është se SHBA-ja dhe BE-ja mbështesin propozimin franko-gjerman për zgjidhjen e çështjes së Kosovës. Duke u larguar nga institucionet, Vuçiq po teston se deri ku mund të manipulojë bashkësinë ndërkombëtare. Megjithatë, fakti është se vendet e Ballkanit Perëndimor nënshkruan tre marrëveshje në Berlin. Prandaj Kosova është vend i barabartë”, shton Biserko.

Në fund, ajo thotë se Vuçiq insiston që të formohet Asociacioni i komunave me shumicë serbe para nënshkrimit të marrëveshjes me Kosovën.

“Mendoj se serbët do të kthehen në institucione. Dhe komuniteti ndërkombëtar këmbëngul për këtë. Kur të bjerë ‘Bota Ruse’, do të bjerë edhe ‘Bota Serbe’, siç e ëndërron Beogradi”, përfundon ajo. /Telegrafi/

Në trend Botë

Më shumë
Publikohen videot intime në zyre të ushtarakut ukrainas - ai po kërkohet për tradhti kombëtare në Kiev

Publikohen videot intime në zyre të ushtarakut ukrainas - ai po kërkohet për tradhti kombëtare në Kiev

Evropa
Putin thotë se Rusia nuk do të sulmojë NATO-n, por kjo nuk vlen për aeroplanët F-16 që dërgohen në Ukrainë

Putin thotë se Rusia nuk do të sulmojë NATO-n, por kjo nuk vlen për aeroplanët F-16 që dërgohen në Ukrainë

Botë
Votimi kundër Kosovës në Këshillin e Evropës nga Mali i Zi, heshtin kryeministri Spajiq, ministri i jashtëm Ivanoviq dhe partia në pushtet “PES”

Votimi kundër Kosovës në Këshillin e Evropës nga Mali i Zi, heshtin kryeministri Spajiq, ministri i jashtëm Ivanoviq dhe partia në pushtet “PES”

Botë
Akulli polar po shkrihet dhe po ndryshon rrotullimin e Tokës - çfarë do të thotë kjo për njerëzimin

Akulli polar po shkrihet dhe po ndryshon rrotullimin e Tokës - çfarë do të thotë kjo për njerëzimin

Botë
Biden thotë se kombet arabe,

Biden thotë se kombet arabe, "të përgatitura për të njohur plotësisht Izraelin" për herë të parë

Botë
Një veprim që ka

Një veprim që ka "fituar zemrat në mbarë botën" - oficeri i sigurisë në Mekë ndihmon pelegrinin me aftësi të kufizuara për të parë Qaben

Botë
Kalo në kategori