LAJMI I FUNDIT:

Beyonce detyrohet të ndryshojë tekstin e një prej këngëve të albumit të ri, për shkak të gjuhës fyese që përdori

Beyonce detyrohet të ndryshojë tekstin e një prej këngëve të albumit të ri, për shkak të gjuhës fyese që përdori
Foto: Beyonce/Instagram

Beyonce ka konfirmuar se do të heqë një term fyes për personat me aftësi të kufizuara nga teksti i një prej këngëve të albumit të saj të ri, “Renaissance”, pasi u quajt “fyes” nga organizatat bamirëse dhe aktivistët e aftësisë së kufizuar.

Reklama

Në këngën “Heated”, e bashkë-kompozuar me reperin kanadez Drake, Beyonce përdori një term nënçmues për diplegjinë spastike, një formë e paralizës cerebrale. Një përfaqësues i muzikantes tha për Insider se teksti do të ndryshojë. “Fjala, e pa përdorur qëllimisht në mënyrë të dëmshme, do të zëvendësohet”, thuhet në deklaratë, shkruan The Guardian.

Në qershor, muzikantja amerikane Lizzo u thirr gjithashtu për përdorimin e të njëjtit term në këngën “Grrrls”, nga albumi i saj i ri “Special”. Pas një reagimi të shpejtë, Lizzo kërkoi falje dhe zëvendësoi tekstin, duke thënë se ajo kurrë nuk kishte dashur të “promovonte gjuhë nënçmuese” dhe shtoi: “Si një grua e trashë e me ngjyrë në Amerikë, kam përdorur shumë fjalë lënduese kundër meje, kështu që e kuptoj fuqinë. Fjalët mund të kenë ndikim (qoftë me dashje, ose në rastin tim, pa dashje)”, kishte thënë ajo.

Foto: Beyonce/Instagram

Në Mbretërinë e Bashkuar, termi në fjalë konsiderohet gjerësisht si fyes. Në vitin 2003, ajo fjalë u rendit e dyta në një sondazh të BBC-së për termat më fyes në Mbretërinë e Bashkuar në lidhje me këdo me aftësi të kufizuara. Në ShBA, megjithatë, ai term ende shfaqet në përdorim më të zakonshëm.

Shkrimtarja australiane dhe avokatja e njerëzve me aftësi të kufizuar Hannah Diviney ishte ndër të parat që i bëri thirrje Lizzos, duke shkruar në Twitter.

Duke shkruar në The Guardian të hënën, Diviney u ankua që e njëjta situatë u shfaq përsëri kaq shpejt. “Mendova se kishim ndryshuar industrinë e muzikës dhe nisëm një bisedë globale se pse gjuha fyese – e qëllimshme apo jo – nuk ka vend në muzikë”, shkroi Diviney. “Por mendoj se kam gabuar”.

Angazhimi i Beyonces ndaj tregimeve muzikore dhe vizuale nuk e “justifikoi përdorimin e gjuhës fyese – gjuhë që përdoret dhe injorohet shumë shpesh”, shkroi Diviney. “Gjuhën, mund të jeni i sigurt se nuk do ta injoroj kurrë, pavarësisht se nga kush vjen apo cilat janë rrethanat”.

Organizata bamirëse e njerëzve me aftësi të kufizuar në Mbretërinë e Bashkuar, “Sense”, fillimisht publikoi një reagim në Twitter për këngën “Heated” të Beyonces se ishte “zhgënjyese që një artist po përdor një term fyes në këngën e tyre kaq shpejt pasi u theksua se sa e dëmshme është fjala” dhe bëri thirrje për “më shumë edukim për të përmirësuar ndërgjegjësimin për njerëzit me nevoja të veçanta”.

Foto: Beyonce/Instagram

Ata më vonë e lavdëruan atë që pranoi të ndryshonte tekstin. “Beyonce ka një histori të përkrahjes së gjithëpërfshirjes dhe ne jemi të lumtur që ajo ka dëgjuar komentet dhe ka rënë dakord të rishkruajë tekstin që shumë njerëz me aftësi të kufizuara e konsiderojnë fyes. Ne e kuptojmë se fjala nuk është përdorur qëllimisht për të shkaktuar dëm, por fjalët kanë fuqi dhe mund të përforcojnë qëndrimet negative me të cilat përballen grupet e margjinalizuara”.

“Ne duam të falënderojmë Beyoncen për dëgjimin dhe mezi presim të vazhdojmë të shijojmë versionin e ri të këngës”, thanë organizata. /Telegrafi/

Në trend Magazina

Më shumë
Xhuli tregon anën tjetër të saj: Kam mbaruar Mjekësinë e Përgjithshme dhe kam punuar si doktoreshë në Finlandë

Xhuli tregon anën tjetër të saj: Kam mbaruar Mjekësinë e Përgjithshme dhe kam punuar si doktoreshë në Finlandë

Magazina
Linda Halimi tregon se si reagon kur flirtojnë me të në prani të bashkëshortit: Vetëm ia bëj me sy dhe ai e di

Linda Halimi tregon se si reagon kur flirtojnë me të në prani të bashkëshortit: Vetëm ia bëj me sy dhe ai e di

Magazina
Hulk Hogan martohet me bukuroshen 25 vite më të re, por vajza e tij nuk i shkon në dasmë

Hulk Hogan martohet me bukuroshen 25 vite më të re, por vajza e tij nuk i shkon në dasmë

Magazina
Xhensila Myrtezaj me fotosesion artistik gjatë shtatzënisë së dytë

Xhensila Myrtezaj me fotosesion artistik gjatë shtatzënisë së dytë

Magazina
Pas Kim Kardashianit, edhe Cher shkruan për represionin e Azerbajxhanit ndaj armenëve në Nagorno-Karabakh

Pas Kim Kardashianit, edhe Cher shkruan për represionin e Azerbajxhanit ndaj armenëve në Nagorno-Karabakh

Magazina
Legjenda e futbollit - Ronaldo martohet për herë të tretë, kurorëzon dashurinë me modelen Celina Locks

Legjenda e futbollit - Ronaldo martohet për herë të tretë, kurorëzon dashurinë me modelen Celina Locks

Magazina
Kalo në kategori