Çështja e pagës minimale në Kosovë dhe mospërfshirja e veteranëve të luftës ka ngjallur debat sot në Kuvendin e Kosovës.

Një replikë është zhvilluar ndërmjet deputetit të Partisë Demokratike të Kosovës, Hisen Berisha dhe kryeparlamentarit Glauk Kojnufca.

Glauk Konjufca, kryeparlamentar

Berisha tha se ata që kanë komplekse që nuk kanë qenë pjesë e luftës nuk duhet dhe nuk është e ndershme t’i luftojnë ato vlera.

“Nëse keni komplekse nga fakti se nuk keni qenë në periudhën e duhur pjesë e madhështisë së luftës për liri, që të jetë veteranë e invalid i kësaj lufte nuk është e denjë, e ndershme t’i luftoni këto vlera…”, tha Berisha.

Partitë opozitare kundër Projektligjit për pagën minimale: Po diskriminohen veteranët e luftës Partitë opozitare kundër Projektligjit për pagën minimale: Po diskriminohen veteranët e luftës

Ai tha se veteranët janë të diskriminuar, pasi siç potencoi ai asnjë njeri në Kosovë nuk mund të jetojë me 170 euro.

Hisen Berisha, deputet i PDK-së

E për këtë reagoi kryetari i Kuvendit të Kosovës, Glauk Konjufca.

“Zotni Berisha kur po thoni se keni komplekse se s’keni qenë pjesë e asaj lufte, bash fillova me i këqyr grupet parlamentare”.

Murati kërkon miratimin e projektligjit që i hap rrugë rritjes së pagës minimale Murati kërkon miratimin e projektligjit që i hap rrugë rritjes së pagës minimale

“Po e shoh në LDK një që ka qenë fort në mënyrë të lavdishme, në Vetëvendosje po i shoh pesë e në PDK dy….kjo është gjendja aktuale qysh po ju shoh tash.

Nuk bën me hi anej, se ka në secilin grup parlamentar e është gabim me fol në mënyrë monopolizuese për luftën çlirimtare”, tha Konjufca. /Telegrafi/