Ish-kryeministri dhe deputeti i PD-së në Parlamentin e Shqipërisë, Sali Berisha, ka folur edhe për raportet e tij me Gjakovën dhe për rolin e liderit komunist kosovar, Fadil Hoxhën.
Në intervistën dhënë për RTV Dukagjinin, Berisha ka thënë se ka pasur ëndërr që Gjakovën ta kishte kryeqytet.
“Ëndrra dhe në mendjen time kryeqyteti im ishte Gjakova, por që nuk shkonim dot. Kisha qenë një herë me qerre, por që s’mbaja mend asgjë dhe pastaj nuk shkoja dot. S’shkoja dot, sepse ishte kufiri. Dhe çdo gjë në shtëpinë time ishte e tregut të Gjakovës”, tha ai.
Politikani antikomunist ka folur edhe për Fadil Hoxhën dhe iniciativën për vendosjen e shtatores së tij në Gjakovë.
“E kam dëgjuar dhe më duhet te them që kjo gjë është jashtëzakonisht e rëndë. Më duhet t’u them atyre që unë kam respekt, që e promovojnë një gjë të tillë. Lexoni pak mbledhjet e vitit 1945 me të cilat Fadil Hoxha anulon Bujanin. Anulon atë qe kishte firmosur vetë, atë meritë që ai e pati në firmosjen në konferencën e Bujanit, të firmosur edhe nga serbët edhe nga shqiptarët, ku Kosovës i njihej e drejta e plebishitit. Enver Hoxha dhe Fadil Hoxha e tradhtuan në mënyrën më të pabesë. Ai ishte një akt ndërkombëtar”, deklaroi Berisha, përcjell Telegrafi.
Sipas deputetit të PD-së, çështja e kufijve në atë kohë ishte ende e papërcaktuar, por Fadil Hoxha me vendim të Beogradit i bëri dëmin e madh Kosovës.
“Dua të them një gjë, se shqiptarët duhet ta dinë, nuk ishte e përcaktuar çështja e kufijve të Shqipërisë, ishte e hapur, dhe jo në interes të Shqipërisë, e mbante Greqia. Por nga ana tjetër në qoftë se shqiptarët do të luftonin absolutisht kurrë Kosovën Tito nuk do e merrte, dhe Fadil Hoxha vendimin e Beogradit që e mori Partia Komuniste, Rankoviqi, e transferoi dhe e mori në Prizren”.
Ish-presidenti i Shqipërisë thotë se Fadil Hoxha bashkë me Enver Hoxhën përfunduan në koshin e turpit të historisë, dhe nuk mundë t’i ngrihet një tradhtari përmendore.
“Atëherë, a mund t’i ngrihet një tradhtari përmendore? Ai përfundon në koshin e turpit të historisë bashkë me Enver Hoxhën. Unë e kuptoj që ai ka anturazhin e vet dhe njerëzit që e përkrahin, por ky është Fadil Hoxha”, tha Berisha./Telegrafi/
Promo
Reklamo këtuLufta Prigozhin - Putin
Më shumëAnëtarësimi i Kosovës në KiE, Knaus: Disa shtete, përfshirë Francën e Gjermaninë po përgatiten ta bllokojnë votimin në maj
Fruti i pasionit mbillet në Shkodër - Familja Ndoja nga 1 dynym, sot mbjell 15 hektarë
Boshnjaku nga Novi Pazari gjendet i vdekur në një hotel në Prizren
Në Gjakovë zbulohet monumenti i Skënderbeut
Rusët i futen tregut të pronave në Shqipëri, zyra biznesi në zonat bregdetare
Voziti me fëmijë në prehër - policia e dënon me 400 euro gjobë, 5 pikë negative dhe i merret patent shoferi për 6 muaj
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
"E pabesueshme, qesharake, absurde...", reagimet ndaj deklaratës së Borrellit, se mezi pret të punojë me qeverinë e re të Serbisë
Nuk pajtohet me Ancelottin, mbrojtësi i Real Madridit ka gjetur destinacionin e ri
Erdogan foli pas ndërprerjes së marrëdhënieve tregtare mes Turqisë dhe Izraelit
U përfol se u ndanë për të shpëtuar pasurinë, Bes Kallaku jep përgjigjjen përfundimtare
Çfarë pyetje u bëhen qytetarëve në diasporë për regjistrim?
Po shkëlqen te Borussia Dortmund, por është lojtar i Chelseat – Guardiola e do me çdo kusht te Man City