Bebe Rexha pozon për kopertinën e revistës “Elle Brasil”, flet edhe për emigrimin nga Shqipëria në Amerikë

Ylli shqiptar me famë botërore, Bebe Rexha ka pozuar së fundmi për numrin e ri të revistës Elle Brasil.

Këngëtarja e hitit “Meant to Be” realizoi një fotosesion mahnitës në të cilin dukej elegante dhe me shumë stil.

Në disa veshje të ndryshme, 36-vjeçarja u shfaq unike dhe plotë vetëbesim ndërsa edhe foli për fillimet e karrierës mes tjerash.

View this post on Instagram

A post shared by ELLE Brasil (@ellebrasil)

Bebe gjithashtu nuk la pa përmendur prejardhjen e saj shqiptare, duke zbuluar se babai i saj emigroi nga Shqipëria për në Amerikë.

“Gjithmonë kam punuar shumë. Këtë e kam trashëguar nga babai im. Ai emigroi nga Shqipëria dhe iu desh të luftonte për t’u vendosur në Shtetet e Bashkuara. Kështu që mora vendosmërinë e tij dhe fillova të punoja, duke ndarë muzikën time në çdo mënyrë të mundshme. Në moshën 16-vjeçare, tashmë kisha disa këngë të shkruara dhe ua dërgoja producentëve dhe artistëve në New York, ku jetoja. I publikova edhe në Myspace dhe puna filloi të shfaqej. Unë thjesht vazhdova të shkruaja dhe të lidhesha me njerëzit. Mendoj se kjo është mënyra më e mirë për të hyrë në industri”, thotë Bebe.

Kjo vjen pasi artistja së fundmi mori pjesë në ceremoninë vjetore të ndarjes së çmimeve “Video Music Awards”.

Lexo po ashtu Bebe Rexha merr vëmendje në MTV VMA me fustanin me prerje që ia ekspozonte të pasmet

Bebe zgjodhi të shfaqej e veshur me një fustan lëkure me dy prerje në të pasme duke marrë kështu vëmendje të madhe dhe të komentohej për dukjen. /Telegrafi/