Baza ushtarake e KFOR-it gjerman në Prizren, do të vazhdojë të kontribuojë në të mirë të qytetarëve të këtij qyteti, pasi shumë shpejt do të shndërrohet në park për inovacione dhe trajnime.
Ky transformim pritet të ndodhë në fillim të vitit të ardhshëm, atëherë kur do të largohen të gjithë ushtarët gjermanë të KFOR-it nga Prizreni dhe do të vendosen në Prishtinë.
Në këtë kamp, që ka mbi 40 hektarë, të rinjtë dhe të rejat e Kosovës do të mund të marrin njohuri dhe të trajnohen për teknologji informative, bujqësi, ushqim dhe agro-përpunim, industri kreative, turizëm, arsim, shkencë dhe hulumtime të ndryshme.
Lis Dorambari nga zyra për media e Komunës së Prizrenit thotë për Radion Evropa e Lirë, se së bashku me Agjencinë Gjerman për Bashkëpunim Ndërkombëtar (GIZ) janë duke hartuar planin rregullues të këtij parku.
“Parku i Inovacionit dhe Trajnimeve, ku qëllimi kryesor do të jetë zhvillimi ekonomik, mundësi për arsim dhe aftësim profesional. Do të ketë biznese të ndryshme. Tani është duke u bërë studimi i fizibilitetit nga ana e GIZ-it gjerman dhe është bërë edhe takimi informues mes Komunës së Prizrenit dhe GIZ-it, për hartimin e një plani rregullues”, thotë Dorambari.
Kampi posedon 23 ndërtesa me 550 dhoma me kapacitet për banim për rreth 1,200 persona.
Sipas analistit Emrush Ujkani, qytetarët e Kosovës tani kanë nevojë më shumë për përkrahje ekonomike sesa ushtarake. Ai thotë se Gjermania vazhdon të jetë partneri më strategjik i Kosovës së pasluftës.
“Largimi i ushtarëve gjermanë mund të shpjegohet në dy mënyra; e para, kjo dëshmon se Kosova po shndërrohet në një shoqëri civile, ku fuqia ose prezenca militare apo ushtarake nuk është e nevojshme dhe Kosova ka nevojë për prezencë ekonomike, prandaj fuqia sot e vendeve të ndryshme nuk duhet të matet vetëm me terme ushtarake, por edhe ekonomik. Dhe në këtë drejtim e shoh kontributin ose vazhdimin e raporteve të Gjermanisë me Kosovën”, thotë Ujkani.
Derisa në vitin 1999, ushtarët gjermanë hynë në Prizren, me tanke e armatim të rëndë, ata tash u larguan me bandë muzikore. Sheshi Shatërvan, ishte vend-takimi i fundit i ushtarëve gjermanë të KFOR-it me qytetarët prizrenas.
Pas 19 vjetësh shërbim në këtë qytet, me ceremoni ushtarake dhe me duartrokitje të shumta ushtarët gjermanë kanë bërë parakalimin lamtumirës.
Qytetarët e Prizrenit, ishin shumë të emocionuar me këtë parakalim, derisa kujtonin ditën kur trupat e KFOR-i gjerman hynë në Prizren pas çlirimit të Kosovës. Suzana Skeja nga Prizreni, thotë se shumë e dhimbshme largimi i tyre, por të në njëjtën kohë edhe gëzim.
“Po kam emocione që po i shoh bile këta, se ditën e parë i kam parë këta kur kanë ardhur. Këtu në shatërvan kam qenë me fëmijë”, thotë Suzana Skeja.
Për Naim Spahiun, është ende i freskët kujtimi kur pa për herë të parë ushtarët gjermanë në Urë të Gurit. Ai thotë se asnjëherë nuk do ta harrojnë kontributin e këtyre ushtarëve, por edhe të popullit gjerman.
“Shumë mirë më kujtohet. Ishte viti 1999, pikërisht këtu qëllova tek Ura e Gurit, e takova një grua të afërme të gjakut tim, e komshiut. Hynë forcat e NATO-s, ka qenë gëzim i madh. Gëzim i paparë, i paparashikuar ndonjëherë në historinë e popullit. Unë nuk do ta harroj kurrë për jetë”, thotë Spahiu.
Bundesweri edhe më tutje do të jetë i angazhuar në kuadër të KFOR-it, pasi disa ushtarë gjermanë do të stacionohen në Prishtinë.
Gjermania do të mbetet e pandryshuar në listën e 10 vendeve me praninë më të madhe të ushtarëve në kuadër të KFOR-it, ndërsa në qendrën e vëmendjes së saj do të jetë avancimi i mëtejmë i Forcës së Sigurisë së Kosovës (FSK)./rel/Telegrafi/
Promo
Reklamo këtuLufta Prigozhin - Putin
Më shumëKSHZ publikon rezultatet e para përfundimtare, këto janë rezultatet
Arrestohen 17 persona në Serbi, falsifikonin dokumente të pronave të serbëve për shqiptarët nga Kosova
Bujar Osmani shpall fitore: Dallimi është mbi 40 mijë vota ndaj Taravarit
Del rezultati përfundimtar në Gostivar, këto janë rezultatet
Iu mori shokëve një milion euro duke mashtruar për vetëvrasje: "Unë po i jap fund jetës, amanet gruan dhe dy djemtë"
Zgjedhjet në RMV, Abdixhiku: Sikur shqiptarët të bëheshin bashkë me një kandidat, sot do të ishin në balotazh
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
Skandali i ri diplomatik i Vuçiqit në New York – ofendoi sllovenët, vjen reagimi i ashpër i Lubjanës zyrtare
KSHZ publikon rezultatet e para përfundimtare, këto janë rezultatet
Bujar Osmani shpall fitore: Dallimi është mbi 40 mijë vota ndaj Taravarit
Del rezultati përfundimtar në Gostivar, këto janë rezultatet
Arrestohen 17 persona në Serbi, falsifikonin dokumente të pronave të serbëve për shqiptarët nga Kosova
Zbulohen dy kërkesat që Laporta ia bëri Xavit në një takim urgjent – njëra ka të bëjë me Guardiolën