Me ndihmës-sekretaren e Shtetit, Viktoria Nuland, që është edhe niveli më i lartë në agjendën e takimeve të Lulzim Bashës në Uashington, kryetari i Partisë Demokratike konsultoi planin e opozitës për miratimin e reformës në drejtësi.
Përveçse këmbënguli që Byroja e Hetimit të miratohet si pika e parë e reformës, bashkë me ndryshimet kushtetuese dhe ligjore për njësinë antikorrupsion, Lulzim Basha ka kërkuar që pjesa tjetër e amendamenteve kushtetuese të miratohet në Parlament bashkë me ligjet përkatëse.
“Një qeveri e cila ka prishur konsensusin për ligje shumë të rëndësishme ka humbur çdo besueshmëri, jo vetëm para opozitës dhe shqiptarëve, por edhe para partnerëve ndërkombëtarë, se është në gjendje të respektojë marrëveshjet e arritura. Prandaj miratimi i ndryshimeve kushtetuese dhe atyre legjislative duhet të behet si një paketë e tërë dhe jo veç e veç”, shprehet Basha.
Njoftimi i Partisë Demokratike nuk bën të ditur se çfarë qëndrimi mbajnë amerikanët për këtë propozim, i cili në rastin më të mirë, shtyn me disa muaj miratimin e reformës derisa të hartohen rreth 40 ligje ende të papërfunduara.
Takimi i Bashës me Viktoria Nuland është zhvilluar kokë më kokë, por siç thotë vetë kreu i opozitës, pjesë e diskutimeve ka qenë edhe paralajmërimi i kryeministrit Rama për zgjedhje të parakohshme nëse reforma nuk miratohet.
“Diskutuam për këtë impostim qesharak të qeverisë, e cila duket sikur ka interes për reformën në drejtësi, por në fakt nuk po bën asgjë për reformën në drejtësi. Ka dy javë që refuzon dialogun politik, pikërisht që të sabotojë reformën në drejtësi sepse nuk i intereson reforma në drejtësi sipas Venecias. Ndaj dhe impostimi ‘o reformë, o zgjedhje’, nuk është gjë tjetër veçse një blof i Edi Ramës”, deklaron kreu i PD-së.
Lulzim Basha thotë se Shtetet e Bashkuara, përveçse po monitorojnë procesin e reformës në drejtësi dhe zbatimin e ligjit të dekriminalizimit, i kanë dhënë garanci se do të ndihmojnë Shqipërinë për zgjedhje të lira e të ndershme, pengesë për të cilat kreu i opozitës tregon si përgjegjës kryeministrin Edi Rama.
“E ka krimin shpresën e tij të vetme për të kapur dhe prishur zgjedhjet e ardhshme parlamentare. Do të ketë zgjedhje të lira dhe të ndershme, parakusht për këtë është zbatimi i ligjit të dekriminalizimit, reforma zgjedhore dhe një qeveri teknike që të ketë besimin e shqiptarëve dhe ndërkombëtarëve që nuk do t’i vjedhë më siç bënë para 8 muajsh”, thotë Lulzim Basha. /Telegrafi/
Promo
Reklamo këtuLufta Prigozhin - Putin
Më shumëPas largimit të Escobarit dhe Lajçakut, Serwer: Lamtumirë dështimit, dialogu kërkon riformatim
Tragjedia në Shkodër, prokuroria zbulon mesazhet ofenduese dhe tradhtinë në celularin e bashkëshortit të Alma Arrazit
Kusari-Lila demanton Vlora Çitakun: Me PDK-në s’kemi biseduar për zgjedhjet
Gjenerali amerikan, Garffer merr detyrën e shefit të shtabit të KFOR-it në Kosovë
Vajzën ia vranë në Fushë Kosovë, prindërit e argjentinases Clara vijnë në Kosovë
Pamjet e fundit para tragjedisë, Alma dhe fëmijët nisen drejt urës së Bunës
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Dy ushtarakë e poshtërojnë Vladimir Putinin - nuk pranojnë ta përshëndesin presidentin rus
Mësohet arsyeja pse nuk ndërhyri VAR-i te goli i anuluar i Bayern Munichut ndaj Real Madridit
Besa dështon ta kualifikojë Shqipërinë në finalen e "Eurovision 2024"
Granit Xhaka, lojtar i ndeshjes Bayer Leverkusen 2-2 Roma: Statistikat e tij janë fantastike
Lista e 50 klubeve më të vlefshme të futbollit: Man Utd lë pas Real Madridin, ngjiten klubet e MLS
Teuta Selimi injoron tërësisht raportimet në media për dhunën nga burri dhe vëllai - paralajmëron koncertin e radhës në Zvicër