Balotelli akuzohet për përdhunim, por i pari kishte kontaktuar policinë për shantazh të vajzës ndaj tij

Mario Balotelli shkoi në polici dhe pretendoi se një vajzë adoleshente po përpiqej ta shantazhonte atë duke i kërkuar 100 mijë euro  disa javë përpara se ajo të paraqiste një ankesë për përdhunim kundër lojtarit të Brescias.

Dyshja u takuan në korrik të vitit 2017, kur Balotelli ishte akoma duke luajtur në Ligue 1 për skuadrën e Nice.

Gazeta franceze Nice-Matin ka përshkruar dy versionet e situatës së paraqitur në polici në Itali si atë nga futbollisti ashtu edhe nga vajza.

Lexo po ashtu Mario Balotelli akuzohet sërish nga një vajzë e re për dhunë seksuale gjatë kohës sa ajo ishte e mitur

Ai ishte 26 vjeç në kohën kur u takuan dhe këmbëngul që ajo jo vetëm që i tha se ishte 18 vjeç, por gjithashtu i tregoi letërnjoftimin e saj për ta vërtetuar atë.

Tani ka informacione kontradiktore nëse ajo ishte 16 apo 17 vjeçe në kohën e takimit të tyre, kur ishte me pushime në Nice.

Sipas gazetës, Balotelli i tha policisë se ai kishte një lidhje të shkurtër me vajzën – e cila është nga Vicenza e Italisë – dhe se ajo incizoi vet seksin në një klub nate dhe në një plazh privat.

Balotelli shkoi në polici më 22 dhjetor 2017 për të pretenduar se ai ishte shantazhuar nga vajza dhe avokati i saj, të cilët kërkuan 100 mijë euro vetëm për të pasur një takim.

Lexo po ashtu Modelja Raffella Fico rrëfehet për dy ish-të dashurit e saj futbollistë: Balotelli është më i mirë se Cristiano Ronaldo

Vajza dhe avokati i saj më pas shkuan në polici më 15 janar 2018, për të paraqitur një ankesë për përdhunim kundër Balotellit.

Seanca dëgjimore paraprake është caktuar për 24 mars të këtij viti. /Telegrafi/