Bajrami: Po punojmë që përmes zbatimit të Ligjit për Rimëkëmbje Ekonomike të arrihen rezultate pozitive

Ministrja e Financave, Hykmete Bajrami ka njoftuar se ka zhvilluar një takim me përfaqësuesit e institucioneve që janë përgjegjëse për zbatimin e Ligjit për Rimëkëmbjen Ekonomike.

Bajrami ka pohuar se punojnë intensivisht në mënyrë që përmes zbatimit të Ligjit për Rimëkëmbje Ekonomike – Covid-19, të arrihen rezultate pozitive në fuqizimin e ekonomisë, transmeton Telegrafi.

“Me qëllim të zbatimit efikas të Ligjit për Rimëkëmbje Ekonomike – Covid-19, i cili u miratua në Kuvendin e Republikës së Kosovës me datën 04.12.2020 sot jemi takuar me Fondin Kosovar për Garantimin e Kredive, Komisionin Rregullativ të Prokurimit Publik, dhe ATK-në.  Kemi komunikuar poashtu me përfaqësuesit e Fondit të Kursimeve Pensionale të Kosovës, dhe Bankën Qendrore të Kosovës”, thotë ministrja në postimin e bërë në Facebook.

Tutje, ajo ka shkruar “Po punojmë intensivisht me të gjitha institucionet relevante në mënyrë që përmes zbatimit të Ligjit për Rimëkëmbje Ekonomike – Covid-19, të arrihen rezultate pozitive në fuqizimin e ekonomisë dhe përmirësimit të jetës së qytetarëve të Republikës së Kosovës”./Telegrafi/