Azerbajxhani raporton vdekjen e 21 civilëve shkaku i sulmeve të forcave armene

Forcat e armatosura armene goditën sot qytetin Bard në Azerbajxhan me një sistem raketahedhësish të shumtë “spik” dhe shkaktuan viktima të shumta midis civilëve.

Kështu së paku thuhet në njoftimin e Ministrisë së Punëve të Jashtme të Azerbajxhanit.

Një sulm me raketa në qytetin Bard vrau 21 civilë, përfshirë fëmijë dhe më shumë se 70 njerëz u plagosën rëndë. Një tjetër gjuajtje e një zone banimi në një qytet larg zonës së konfliktit, i cili nuk ka karakteristikat e caqeve ushtarake, përsëri zbulon natyrën terroriste të armenisë, deklaroi Ministria e Punëve të Jashtme të Azerbajxhanit.

Vrasja e qëllimshme e civilëve në qytetin Bard nga forcat e armatosura armene është një akt i gjenocidit, krimit të luftës dhe krimeve kundër njerëzimit, tha deklarata.

Është një shkelje flagrante e ligjit ndërkombëtar humanitar nga Armenia dhe udhëheqja e Armenisë, përfshirë Kryeministrin dhe Ministrin e Mbrojtjes së vendit, mbajnë përgjegjësi të plotë për këtë krim, deklaroi Ministria e Punëve të Jashtme të Azerbajxhanit. /Telegrafi/