Prodhuesi gjerman kërkoi falje për reklamën e cila tregoi që një vajzë e vogël duke ngrënë një banane para një makine me performancë të lartë, e cila menjëherë shkaktoi një ortek kritikash në Twitter.

“Ne e dëgjojmë zërin tuaj, por le të jemi të qartë: Ne kujdesemi për fëmijët”, shkruajtën ata në një Twitter, duke shtuar:

“Ne sinqerisht kërkojmë falje për këtë foto dhe do të sigurohemi që ajo të mos përdoret në të ardhmen”, transmeton Telegrafi.

Kritikët e reklamës theksuan se poza e vajzës ishte “provokuese” dhe kërcënuese për jetën.

Disa vunë në dukje se shoferi nuk mund ta shihte kurrë një fëmijë kaq të vogël që mbështetej në pjesën e përparmë të makinës dhe koka e të cilit nuk zgjat shumë lart mbi makinë. Të tjerë kritikuan sugjerimin seksual të fotografisë, duke treguar simbole të tilla si një banane dhe një makinë e fuqishme në sfond.

Kompania gjermane thotë se ka nisur një hetim se si është publikuar kjo foto.

Reklama e diskutueshme me vajzën është filmuar për të promovuar modelin RS4 Avant të Audi-t. /Telegrafi/