Atletico Madridi ka shënuar fitore ndaj Real Valladolid me rezultat 2-1 në xhiron e fundit të La Ligas, duke u shpallur kampion i Spanjës.

Me 86 pikë të tubuara, Los Colchoneros e mbyllin si të parët kampionatin, duke lënë pas Real Madridin dhe Barcelonën.

Ky është titulli i 11-të i kampionit për Ateletico Madridin, ndërsa fiton sërish trofeun e më të mirët në Spanjë pas shtatë vitesh.

Ndeshja nisi më mirë për Real Valladolid që shkoi në pushim me rezultat 1-0 me golin e Oscar Plano në minutën e 19-të të takimit.

Atletico u mundua të bëjë më shumë në këtë pjesëlojë, por nuk arritën të shënonin edhe pse kishin raste.

Reklama

Por me të filluar pjesa e dytë, Atletico shtoi sulmet drejt portës kundërshtare.

Reklama

Ishte Angel Correa që shënoi gol të bukur, duke dribluar disa kundërshtarë, pastaj me një goditje të bukur shënoi për 1-1 në minutën e 57-të.

Nuk vonoi shumë dhe Atletico mori epërsinë, ku Luis Suarez shënoi në minutën e 66-të për 2-1.

Uruguaiani mori një top në mesin e fushës dhe i vetëm me portierin shënoi me qetësi të madhe.

https://twitter.com/FutbolStan_/status/1396155547368427520

Deri në fund Atletico kishte edhe raste tjera për të shënuar, por që rrjeta heshti.

Më tu dëgjuar fishkëllima e fundit e gjyqtarit, lojtarët e Atleticos filluan festën. /Telegrafi/

Reklama