ASH: Po vazhdon viktimizimi profesional dhe etnik në Ministrinë e Mbrojtjes

Avancohet ish-Sekretari Shtetëror në Ministrinë e Mbrojtjes, i dyshuar për diskriminim në këtë dikaster, përsëri duke diskriminuar kundër kandidaten shqiptare me master dhe shumë përparësi të tjera, thuhet në reagimin e sotëm të Aleancës për Shqiptarët.

“Në bazë të konkursit intern të MM nr. 01/22 të datës 12.12.2022 dhe selektimit administrativ nr. 04/8443/85 me 28.12.2022, Dragan Nikoliq avancohet në Këshilltar Shtetëror (Одлуки за избор по спроведен Интерен оглас број 01/2022 за унапредување на 27 (дваесет и седум) административни службеници во Министерството за одбрана – 03.01.2023година.pdf ) edhe pse kundër kandidati në konkurs është më i mirë, sepse: di tri gjuhë më shumë, ka nivel më të lartë shkollimi (magjistraturë), është femër dhe shqiptare, që dmth se këtu përveç përgatitjes profesionale nuk është respektuar Rezoluta e OKB-së për barazi gjinore 1325 si dhe Kushtetuta e RMV, Ligji për nëpunës administrativ, Ligji për mbrojtje, Strategjia e mbrojtjes 2020, Pasqyra strategjike e mbrojtjes, Programa për përfaqësim të drejtë dhe adekuat të etnive në RMV, etj.

Që ironia të jetë më e madhe, del nga ajo se personi në fjalë ka Vendim 0801-37/13 të datës 01.12.2021 nga Komisioni për parandalim dhe mbrojtje nga diskriminimi se ka diskriminuar personin NN”, thuhet në njoftimin e ASH-së.

Gjithashtu, shtojnë nga atje, kundër të njëjtit person ka iniciativë nr. 12-464/15 të 20.06.2022, nga Komisioni shtetëror për parandalimin e korrupsionit, sepse ka dyshim të bazuar për shkelje të dispozitave ligjore dhe akteve nënligjore gjatë kryerjes së detyrës si Sekretar Shtetëror pranë Ministrië së Mbrojtjes sipas nenit 127 alinea 1 pika 4 të Ligjit për antikorrupsion dhe konflikt interesash, deri te Zëvendës Kryetarja e Qeverisë për qeverisje të mirë. Deri tani pa epilog.