Aseksualët e shijojnë masturbimin dhe fantazitë seksuale, por nuk joshen seksualisht nga tjerët

Aseksualët janë individët të cilët identifikohen si persona që nuk joshen seksualisht nga njerëzit – pavarësisht gjinisë. Përderisa shumica mund të mendojnë se aseksualët nuk posedojnë fare seksualitet, një studim i fundit tregon se kjo dukuri është paksa e keqkuptuar.

Sipas anketimit me individë të cilët janë aseksualë, ky grup i njerëzve ka fantazi seksuale dhe e shijojnë masturbimin, pavarësisht se nuk janë të interesuar të bëjnë seks me një person tjetër, transmeton Telegrafi.

Studimi me 351 individë aseksualë ka zbuluar se thuajse gjysma e femrave aseksuale dhe 75 për qind e meshkujve aseksualë masturbojnë dhe kanë fantazi seksuale.

“Një individ aseksual mund të mos ndjejë joshje seksuale nga një individ tjetër, por kjo nuk do të thotë se nuk kanë fantazi seksuale”, kanë konkluduar hulumtuesit.

Studimi, jo vetëm që ka konfirmuar se aseksualët kanë fantazi seksuale, por fantazitë e tyre nuk janë aspak të ndryshme nga ato të personave seksualë. /Telegrafi/