Artileri dhe raketa: Britania e Madhe ndau edhe 1.53 miliard euro shtesë për armatosjen e Ukrainës

Kryeministri britanik, Boris Johnson ka njoftuar një paketë shtesë të ndihmës ushtarake për Ukrainën në vlerë të 1.53 miliard eurove.

Si pjesë e kësaj pakete, Kievi do të marrë artileri me rreze të gjatë, raketa breg-anije dhe dronë.

Johnson vuri në dukje se pati një diskutim të gjerë me presidentin ukrainas, Volodymyr Zelensky, gjatë të cilit të dyja palët diskutuan se si të frenojnë dëmin ekonomik global të shkaktuar nga “bllokada e pamatur e Putinit ndaj porteve të Detit të Zi”.

“Ne po kërkojmë urgjentisht opsionet për hapjen e rrugëve kritike të furnizimit detar dhe tokësor për rezervat e grurit të Ukrainës”, shkroi Johnson.

Ai gjithashtu vuri në dukje se 50 mijë ukrainas tani kanë arritur të Mbretërinë e Bashkuara “dhe ne po bëjmë gjithçka që është e mundur për t’i ndihmuar ata të ndërtojnë jetën këtu”.

Lexo po ashtu Putini po i kërkon Perëndimit të heqë sanksionet për të hapur portet e Ukrainës

Më 18 maj, Zyra e Jashtme, Komonuelthi dhe Zhvillimi i Mbretërisë së Bashkuar ndau rreth gjashtë milionë euro ndihmë për Forcat e Armatosura të Ukrainës. /Telegrafi/

I updated the President on support flowing to Ukraine’s defence, including long-range artillery, shore-to-ship missiles and unmanned drones.

This is part of our additional £1.3 billion military aid package for Ukraine. 2/4

— Boris Johnson (@BorisJohnson) May 19, 2022