Arsenali refuzon ofertën e Interit për Folarin Balogun

Arsenali thuhet se ka refuzuar një ofertë nga Interi për Folarin Balogun.

Sipas FC Inter News, klubi italian iu afrua Gunners me një tarifë fikse prej 30 milionë euro, me pesë milionë në bonuse shtesë, por këta të fundit shpresojnë të marrë deri në 55 milionë euro.

Oferta e parë e Interit kuptohet të jetë ajo që Nerazzurrët ishin të gatshëm të paguanin për Romelu Lukaku të Chelseat, i cili pritej të ribashkohej përgjithmonë me ekipin që drejtohet nga Simone Inzaghit pas huazimit të tij në sezonin 2022-23.

Lexo po ashtu Balogun i dërgon sinjale Interit nga SHBA: Dua vetëm të luaj

Balogun po përballet me një të ardhme të pasigurt në Londrën e Veriut pas sezonit të tij të suksesshëm me Reims, ku ai shënoi 21 herë në 37 ndeshje të Ligue 1.

Amerikani është integruar në skuadrën e Mikel Artetës gjatë miqësoreve të tyre para-sezonale, por ai mund ta ketë të vështirë të sigurojë starte të rregullta në ekipin e parë të Topçinjve sezonin e ardhshëm.

Por, shuma e kërkuar nga nënkampioni anglez është e lartë për Interin dhe mund të largohen nga gara. /Telegrafi/