Arsenali mposht Bayernin në International Champions Cup

Tashmë ka startuar një ndër turnetë më të mirë të organizuar para fillimit të sezonit të ri të kampionateve evropiane – International Champions Cup.

Arsenali në takimin e parë të kësaj gare ka triumfuar për të rrëmbyer tri pikët e plota.

Gunners ishin më të mirë se Bayern Munich duke e mposhtur me rezultat 2-1 në takimin e zhvilluar në Los Angeles.

Arsenal show off the new ‘bruised banana' away kit for the first time 🍌 pic.twitter.com/0gsXNBLsyJ

— B/R Football (@brfootball) July 18, 2019

Në një ndeshje ku Unai Emery dhe Niko Kovac kanë bërë shumë zëvendësime dhe kanë testuar shumë lojtarë, rezultati si duket ishte në plan të dytë pasi që pjesa e parë përfundoi pa gola.

Të parët në epërsi erdhën londinezët, në saje të një autogoli të realizuar në të 49 minutë nga ana e të riut Louis Poznanski.

Sërish realizoi gol një lojtar i bavarezëve, por kësaj radhe për ta barazua rezultatin, të cilën gjë e arriti në të 71 minutë Robert Lewandowski.

Golin e fundit dhe të fitores për Topçintë e realizoi Eddie Nkietah, i cili mposhti portierin kundërshtar dy minuta para përfundimit të ndeshjes dhe kështu vulosi rezultatin përfundimtar 2-1.

#Maschinez 🤖 @Javi8martinez #ARSFCB #ICC2019 @IntChampionsCup pic.twitter.com/1ELH2x2h67

— FC Bayern München (@FCBayern) July 18, 2019

Theksojmë se trajneri spanjoll bëri tetë zëvendësime gjersa kroati i kampionëve gjerman bëri 11 ndryshime.

Një pjesë të ndeshjes te Gunners u paraqitën edhe dyshja shqiptare, Granit Xhaka dhe Shkodran Mustafi.

Pas kësaj, Arsenal zë pozitën e parë të renditjes tabelore me tri pikë gjersa Bayerni mbetet në të 11-tën me zero pikë. /Telegrafi/

https://www.youtube.com/watch?v=1yg5KmJVPU4