Arben Vitia, kandidat për kryetar të Prishtinës nga Lëvizja Vetëvendosje në një intervistë në “Përballje” në Telegrafi, ka folur për kandidaturën e tij, projektet dhe synimet që ai ka nëse zgjidhet si kryetar i kryeqytetit në garën e balotazhit që do të mbahet me 14 nëntor 2021.
Vitia në këtë intervistë ka folur për problemet kryesore në Prishtinë si kaosi në komunikacion, problemet me transportin publik, zhvillimin ekonomik dhe investimet kapitale në kryeqytet.
Gjithashtu kandidati i LVV-së ka folur edhe për ndërmarrjet e vogla dhe të mesme, start-up e rinj, mungesën e shkollave, investimet në shëndetësi, arsim, ambient, mungesën e parkingjeve, qasja në ngrohtoren e qytetit etj.
Vitia thotë se Prishtina do të jetë qytet i jetueshëm dhe me mundësi të barabarta.
Ai thotë se me 90 milionë euro buxhet dhe disa milionë ta tjerë në formë grantesh nga niveli qendror do të investohet në shumë sfera të jetës për përmirësimin e jetës së qytetarëve.
Kandidati i LVV-së për kryetar të Prishtinës duke folur për problemet në trafik thotë se unaza e brendshme dhe e jashtme do të kenë një ndikim të rëndësishëm në përmirësimin e lëvizjeve në trafik.
“Do të përmirësohen edhe trotuaret, ku ecja nuk do të jetë më vetëm aktivitet i zorit por edhe i qejfit. Transportit publik do t’i shtohet autobusët e rinj, ku numri i tyre pritet të arrij në 160. Me këtë flotë të autobusëve qytetarëve do t’iu lehtësohet trafiku dhe nuk do të kenë nevojë të marrin makinën për punët e tyre”, ka deklaruar ai në Përballje transmeton Telegrafi.
Vitia thotë se edhe “Rruga A” do të lehtësojë shumë komunikacionin në kryeqytet.
“Do të ketë një qasje të re për në autostradë dhe qytetarët nuk do të kenë nevojë të futen në këto nyje problematike”.
Kandidati i LVV-së thotë se do të ndërhyhet edhe te nyja problematike te “Xhamia Llapit”.
Ai thotë se të gjitha këto projekte do të fillojnë në fillim të vitit 2022 e disa në vitin 2023, por që sipas tij këto do të përfundojnë deri në fund të mandatit.
“Një pjesë e madhe e këtyre projekteve do të bëhen edhe nga qeveria por nuk e përjashtojmë edhe kredinë. Prishtina ka shumë nevojë për investime kapitale”.
Ndryshe ai deklaron se të gjitha projektet kapitale do të kenë impakt edhe në zhvillimin e ekonomik të kryeqytetit.
Komuna e Prishtinës përbëhet prej qytetit dhe 43 fshatrave dhe për vitin 2022 është parashikuar mbi 90 milionë euro buxhet./Telegrafi/
Promo
Reklamo këtuLufta Prigozhin - Putin
Më shumëAnëtarësimi i Kosovës në KiE, cilat janë vendet skeptike që duan fillimisht asociacionin?
Konkursi i dyshimtë i Policisë, IPK: Do t’i verifikojmë informatat
AGK-ja dënon intimidimin publik të deputetit Dimal Basha ndaj gazetares së RTK-së
Fruti i pasionit mbillet në Shkodër - Familja Ndoja nga 1 dynym, sot mbjell 15 hektarë
Drejtori i RTK-së: Gjuha e përdorur nga deputeti Dimal Basha, e papranueshme
Çfarë pyetje u bëhen qytetarëve në diasporë për regjistrim?
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Bëhen bashkë pas dy vitesh Blero e Afrona Dika
Çfarë thuhet në alarmin e NATO-s për aktivitetet 'armiqësore' ruse në Evropë?
“Thellohet misteri” – bleu apo jo SHBA-ja, 81 aeroplanë të vjetër sovjetikë nga Kazakistani?
Nga qershori Aeroportit të Prishtinës i shtohet edhe një linjë e re fluturimi
Xhaka me Bayer Leverkusenin hap të madh drejt finales, Roma bie në ‘Olimpico’
"Nuk ka mbaruar ende, na duhet edhe një gol kundër Romës për finale" - Xhaka flet pas fitores së madhe