Kohëve të fundit, një trend shumë i përhapur në rrjetet sociale, është transformimi i fotografive.

Më të popullarizuarat, mbesin aplikacioni që ndryshonte dukjen e përdoruesit, duke e kthyer në gjininë tjetër, derisa një tjetër plakte fytyrën, duke treguar se si ai përdorues do të duket pas një kohe, transmeton Telegrafi.

Të ndryshuarit e realitetit të fotografive, duket se nuk ka të ndaluar dhe në internet janë në dispozicion disa aplikacione, që bëjnë të duket sikur janë shkrepur në vitet e 90-ta, për ata që kanë nostalgji për këtë kohë.

Bicam, Camcorder dhe Famicam64, janë tri aplikacionet më të rekomanduara, derisa mjaft të pëlqyeshme konsiderohen edhe Glitch Studio dhe 1967, që janë praktike në përdorim dhe japin rezultate shumë të mira. /Telegrafi/