Analisti serb e cilësoi “viktimë kolaterale” Afrim Bunjakun, Islami: Një përpjekje për ta fshehur të vërtetën

Analisti dhe eksperti i çështjeve të sigurisë, Avni Islami, ka reaguar ndaj deklaratës së një analisti serb nga veriu i Kosovës, i cili tha se polici i vrarë në veri Afrim Bunjaku, ishte viktimë kolaterale.

Islami, përmes një postimi në Facebook, tha se vrasja e heroit Afrim Bunjaku nuk ishte aksident, por një akt i qëllimshëm i terrorit shtetëror të orkestruar nga Serbia.

“Ta quash ‘viktimë kolaterale’ është përpjekje për ta fshehur të vërtetën: një sulm i organizuar për të goditur sigurinë dhe sovranitetin e Kosovës”, ka shkruar Islami, transmeton Telegrafi.

Tutje ai ka thënë se “të relativizosh këtë krim është të marrësh pjesë në propagandën që synon ta zhvesh Kosovën nga e drejta për t’u mbrojtur dhe për të ruajtur rendin kushtetues”.

Ndryshe, deklaratën se rreshteri Afrim Bunjaku  “nuk është vrarë, por është në një mënyrë dëm kolateral” në sulmin terrorist në veri të Kosovës në shtator të vitit 2024, analisti serb Branislav Krstiq e ka bërë të mërkurën në njërin nga televizionet tona. /Telegrafi/