Politologu Belul Beqaj ka konsideruar se formimi i Qeverisë së re ndërlidhet pikërisht me temat e mëdha, siç janë Demarkacioni, vizat etj., të cilat duhet të kalohen pavarësisht se a do të ketë qeveri të pakicës apo të shumicës.
“Këto tema duhet të kalohen pavarësisht se a është në pyetje qeveria e shumicës apo e pakicës. Prandaj, insistimi eventual për formimin e Qeverisë ndërlidhet para së gjithash me këto tema të trashëguara pavarësisht se sa Qeveria do të jetë stabile”, ka potencuar ai.
Mirëpo, sipas tij, para krijimit të Qeverisë duhet të ketë dakordim mes partnerëve të koalicionit.
“Para se të krijohet Qeveria, besoj se këto do të jenë tema të cilat duhet të dakordohen paraprakisht me partnerët e koalicionit ngase çdo zgjidhje tjetër është humbje kohe dhe shprese”, është shprehur Beqaj për “Zërin”.
Ndërkaq analisti politik Imer Mushkolaj ka vlerësuar se temat e mëdha, të cilat kanë përcjellë vendin gjatë qeverisjes së kaluar, do të mund të zgjidheshin me marrëveshje mes pozitës e opozitës.
“Çështjet si demarkacioni, Asociacioni e ushtria do të mund të kaloheshin edhe me një konsensus të gjerë ndërmjet pushtetit e opozitës, e jo domosdosëmërisht nga shumica që e përbën koalicionin qeveritar. Pra, më e mira do të ishte që pavarësisht kush e krijon Qeverinë, të mund ta arrinte me opozitën dhe me akterë të tjerë të shoqërisë një konsensus gjithëpërfshirës për kalimin e këtyre çështjeve, të cilat do të duhej të ishin teknike, por janë kthyer në kauza politike”, ka nënvizuar ai.
Kurse Qeveria, sipas Mushkolajt, do të duhej të fokusohej në temat siç janë zhvillimi ekonomik, luftimi i krimit të organizuar e korrupsionit dhe agjenda evropiane.
Edhe Haki Abazi, njohës i çështjeve politike, ka vlerësuar se që nga paslufta nuk ka pasur situatë më të rëndë politike sesa aktualisht.
“Që nga paslufta nuk ka pasur situatë dhe gjendje më të vështirë dhe fazë të izolimit total. Të gjitha dështimet e politikës dhe udhëheqjes kanë rezultuar në pakënaqësi te qytetarët, që shumica as që kanë marrë mundimin të votojnë dhe gjithashtu është një pakënaqësi deri në kulm me ata që dikur e donin dhe respektonin shtetin e ri dhe kishin pa fund admirim për vendin dhe popullin e Kosovës”, ka deklaruar ai.
Ai më tej ka konsideruar se nevojitet një qeveri e unitetit për t’i zgjidhur të gjitha këto çështje.
Lufta Prigozhin - Putin
Më shumëPlagosja e katër personave, deklaratat e Policisë e Prokurorisë – gjithçka nga rasti në Lupç të Podujevës
Kush ishin dy gratë që dhanë idenë për pajtimin e gjaqeve, tregon bashkëpunëtori i Anton Çettës
Bajrami: Jam i gatshëm ta ndihmoj Kurtin në procesin e Asociacionit
Balje: Deklarata e Kurtit për Kodin Civil është provokuese, nuk votoj pro martesave të gjinisë së njëjtë
Të shtëna me armë në Lupç të Podujevës, katër të plagosur
Pas skandalit në TikTok, Policia kërkon ndihmë për kapjen e shtetasit të Shqipërisë, i cili ndodhet në një burg në Francë
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
UEFA zbulon lojtarin më të shpejtë për këtë edicion në Ligën e Kampionëve
Zyrtare: Bundesliga me pesë skuadra në Champions duke iu falënderuar Dortmundit
A di të ndalet ky Ronaldo? Çfarë goli me këmbën e majtë
Mohamed Salah thyen heshtjen në rrjetet sociale pas përplasjes që kishte me Jurgen Klopp
Të gjithë po pyesin për ritualin e Bellingham para çdo ndeshjeje – anglezi shpjegon përse e bën
Bajrami: Jam i gatshëm ta ndihmoj Kurtin në procesin e Asociacionit