Paneli Zgjedhor për Ankesa dhe Parashtresa (PZAP) sot ka marrë vendim të anulojë zgjedhjet për kryetar të komunës në Hanin e Elezit. Analistët vlerësojnë se PZAP duhet të verifikojë dhe të mbrojë votën e qytetarëve përmes rivotimit dhe rinumërimit, atje ku janë evidentuar parregullësi.
Paneli Zgjedhor për Ankesa dhe Parashtresa e ka pranuar si të bazuar ankesën e kandiatit (kryetarit aktual të kësaj komune), Rufki Suma.
“Procesi i votimit do të përsëritet vetëm për kryetar komune, për shkak të minimit të integritetit të zgjedhjeve si rezultat i presionit dhe organizimit me qëllim të përfitimit të mbështetjeve të votuesve”, thuhet në vendimin e PZAP-së.
Vendimin e PZAP-së për Hanin e Elezit e kanë mirëpritur analistët dhe njohësit e proceseve zgjedhore, pasi siç thanë ata dyshohet se ka pasur manipulime.
Analisti Mazllum Baraliu në një deklaratë për Telegrafin, tha se Komuna e Hanit të Elezit nuk është e vetmja pasi edhe në komuna të tjera ka pasur ankesa për manipulim votash.
“Nuk është shembulli i vetëm i Hanit të Elezit që kishte paralajmërime dhe sinjale se mund te ketë pasur manipulime, plus kur dihet për vite me radhë autoriteti, prestigji, reputacioni i Rufki Sumës, ka qenë i pakontestueshëm nga qytetarët e asaj komune. Dhe e dyta, jo vetëm aty por edhe në komuna tjera janë raportuar ankesa, madje nga pjesëmarrësit e zgjedhjeve, dhe kandidatët për kryetar se ka pasur abuzime me vota”, është shprehur ai.
Baraliu ka shtuar tutje se edhe në pjesën veriore ka pasur manipulime të votave.
“Madje, në pjesën veriore është e qartë se ato përqindje maksimale për të mos thënë të paarritshme në kushte normale”, tha Baraliu.
Analisti Baraliu shtoi se PZAP duhet të verifikojë dhe të mbrojë votën e qytetarëve pasi që ajo është e shenjtë.
“Shkelje mund të ketë dhe është mirë PZAP që ka marrë një vendim të tillë, dhe duhet deri në votën e fundit të verifikohen gjerët dhe të mbrohet vota sepse është e shenjtë, dhe rezultatet të jenë të tilla siç ka qenë ditën e zgjedhjeve dhe jo manipulime siç ka pasur edhe në komunat tjerë”, tha mes tjerash ai.
Ndërsa, analisti Arton Demhasaj tha se ku ka dyshime për shitblerje të votave, duhet të ketë rivotim ose rinumërim.
“Me siguri ka pasur prova zotëri Rufki Suma që ka bo ankesë në PZAP, dhe PZAP në bazë të provave që ka pasur ai ka marrë vendim. Mendoj që është në rregull, çdo kund ku ka dyshime për shitblerje apo çfarëdo pjese tjetër negative mendoj se duhet të shkohet në rivotim ose rinumërim, çfarë do që ka nevojë, dhe rezultati i zgjedhjeve të jetë korrekt dhe vota e qytetarëve të shkojë në vendin e duhur. Kështu që në këtë rast PZAP ka reaguar në provat që ka dërguar zotëri Suma”, u shpreh ai për Telegrafi.
Demhasaj shtoi tutje se “sado pak manipulime nëse ka pasur mendoj që duhet me u zbardhë dhe kush do që ka qenë fajtor duhet të merr ndëshkimin, kështu që nuk besoj se e zbeh imazhin e procesit”.
Demhasaj tha se duhet të vlerësohet pozitivisht se nuk po ka fshehje të shkeljeve gjatë procesit zgjedhor, dhe se institucionet po reagojnë.
Ndryshe, kandidati i PDK-së, sipas rezultateve preliminare të KQZ-së për zgjedhjet e 17 tetorit, ka marrë me 50.98% të votave.
Rezultatet nga 100% të vendvotimeve të procesuara:
Mehmet Ballazhi (PDK) – 2.485 vota apo 50,98%
Rufki Suma – 2.070 vota apo 42,47%
Sherif Berisha (LVV) – 319 vota apo 6,54% /Telegrafi/
Lufta Prigozhin - Putin
Më shumëBE-ja mbështetë Serbinë për muri - nëse e pengon Kosovën në organizatat ndërkombëtare, do t'i procesi i anëtarësimit
"Nënat e Srebrenicës" falënderojnë presidenten Osmani: Një fjalim i tillë do të mbahet mend ndër breza
U tregua e ashpër ndaj Vuçiqit në Këshill të Sigurimit - reagime të shumta në mbështetje të përfaqësues së Maltës
“U shku me vra Ganinë”, dëshmitari tregon se çfarë dëgjoi ditën kur ndodhi vrasja e trefishtë në Gllogjan
BE-ja mbështet Serbinë për muri - nëse e pengon Kosovën në organizatat ndërkombëtare, do t'i bllokohet procesi i anëtarësimit
Shqiptari që goditi 42 herë me thikë ish-të dashurën në Vjenë del para gjykatës: Nuk kam pasur qëllim për ta vrarë
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
Si Izraeli përdori dronët për të ngatërruar mbrojtjen ajrore iraniane përpara se të "gjuante raketat supersonike Rampage" - një sulm preciz që heshti Teheranin
Kryesuesja në KS të OKB-së përplaset ashpër me Vuçiqin për minutat e fjalimit
Përplasja e SHBA-së me Rusinë në KS të OKB-së: Nuk mund të ndryshoni historinë e intervenimit të NATO-s në Kosovë
Gjykimi për vrasjen e trefishtë në Gllogjan, dëshmitari tregon se çka i kishte thënë i akuzuari në natën kritike
Katër të mbijetuara të luftës nuk u lejuan të futeshin në sallën e KS të OKB-së, Osmani refuzoi pjesëmarrjen derisa lëshoi pe protokolli
"Ndoshta pse jam shqiptare", Dua Lipa zbulon një talent sekret që ka të bëjë me prejardhjen e saj