Amir Rrahmani ka falënderuar partnerin e tij në mbrojtje, Kalidou Koulibaly për asistimin dhe beson se do të ketë kohë të mjaftueshme për të luajtur këtë sezon me Napolin.

Reprezentuesi e Kosovës shënoi një gol me kokë në fitoren e thellë 4-0 të Napolit ndaj Udineses në kuadër të javës së katërt të Serie A.

Gjatë ndeshjes së njëjtë të sezonit të kaluar, ai pati një lojë aq të keqe sa Gennaro Gattuso e zëvendësoi atë gjatë pushimit mes pjesëve.

Rrahmani shënon në fitoren e thellë të Napolit ndaj Udineses Rrahmani shënon në fitoren e thellë të Napolit ndaj Udineses

“E mbaj mend shumë mirë, por një futbollist profesionist duhet të jetë në gjendje të harrojë dhe të fillojë përsëri”, ka thënë fillimisht 27-vjeçari për DAZN.

“Ajo që ndodh sot do të harrohet nesër, gjithmonë duhet të përqendroheni në atë që do të vijë më pas”.

“Ne fituam sot dhe tani duhet të kalojmë fokusin në ndeshjen e së mërkurës”.

Rrahmani shtoi se “falënderoi Koulibalyn për asistimin” dhe sugjeroi që ai pret të marrë kohë të mjaftueshme për lojë këtë sezon.

Notat e lojtarëve: Udinese 0-4 Napoli, Rrahmani lojtar i ndeshjes Notat e lojtarëve: Udinese 0-4 Napoli, Rrahmani lojtar i ndeshjes

“Unë gjithmonë kam thënë se një ekip si Napoli duhet të ketë 3-4 mbrojtës të fortë”.

“Ka shumë ndeshje, gjëja më e rëndësishme është të jesh gati në çdo kohë”, përfundoi Rrahmani. /Telegrafi/