Massimiliano Allegri e ka cilësuar si të vështirë ndeshjen ndaj Milanit.
Juventusi dhe Milani do të ndeshen të premten nga ora 17:00 në finalen e Superkupës së Italisë që luhet në Doha të Katarit dhe sipas trajnerit Allegri, skuadra e tij nuk duhet të gaboj dhe ta fitoj trofeun e parë sezona.
“Ka qenë një javë e vështirë, pasi edhe udhëtimi ndikon në gjendjen e lojtarëve. Jemi të gjithë mirë, por duhet të kemi kujdes nga Milani që mund të jetë i egër”, ka thënë fillimisht Allegri në konferencën para ndeshjes.
“Po kalojmë një moment të mirë, por kjo nuk do të thotë që duhet ta marrim lehtë ndeshjen sikur e kemi të fituar”.
“Nuk duhet të gabojmë pasi kjo do të ishte fatale dhe mund të na kushtonte në fitoren e trofeut të parë sezonal”, përfundoi trajneri i Juventusit. /Telegrafi/
