Bashkëshorti i aktores amerikane, Denise Richards, Aaron Phypers, ka zbuluar se si duket rezidenca e tyre me qira në mes të divorcit të tyre të trazuar.
Ai e akuzoi atë se e kishte lënë shtëpinë në rrëmujë përpara se të largohej.
Gjatë paraqitjes si i ftuar në emisionin ‘Inside Edition’, tregoi, ndër të tjera, dhomat ku ishin të shpërndara rrobat.
Foto: Inside Edition
Ka shfaqur gjithashtu një dysheme të mbuluar me njolla. Richards mohoi shkatërrimin e rezidencës dhe, në dokumentet që i paraqiti gjykatës, deklaroi se nuk kishte jetuar atje për dy vjet.
Ajo më parë akuzoi Phypers dhe familjen e tij për shkaktim të dëmeve serioze të pronës. Ai aktualisht jeton këtu me prindërit dhe të vëllanë.
Foto: Inside Edition
Phypers paraqiti kërkesë për divorc në korrik për shkak të "dallimeve të papajtueshme".
Ata qëndruan të martuar për gjashtë vjet. Aktorja i kërkoi gjykatës ta lejonte të nxirrte sendet e shtëpisë pa shkelur urdhrin e ndalimit që kishte marrë. Gjykata e miratoi kërkesën e saj.
Foto: Inside Edition
Ajo më parë e akuzoi ish-bashkëshortin e saj për abuzim fizik dhe postoi foto të syrit të saj të ënjtur. /Telegrafi/
