LAJMI I FUNDIT:

AKK: Rritja e pagave nga Haradinaj është konflikt interesi, do të marrim masa ligjore

AKK: Rritja e pagave nga Haradinaj është konflikt interesi, do të marrim masa ligjore

Agjencia Kundër Korrupsionit (AKK) edhe pas vendimit të Gjykatës Kushtetuese e ka cilësuar si konflikt interesi vendimin e Qeverisë për rritje të pagës së kryeministrit Ramush Haradinaj dhe vartësve të tij.

AKK në një përgjigje për Telegrafin thotë se mbetet prapa këtij opinioni dhe se ka paralajmëruar masa ligjore ndaj Qeverisë në rast se e njëjta nuk e respekton opinionin e dhënë nga ta.

“Agjencia kundër Korrupsionit në përputhje me Aktgjykimin 1258/18 e Gjykatës Kushtetuese të Republikës së Kosovës, përkatësisht piken 113, mbetet prapa opinionit të vet, të lëshuar me datë 29.01.2018, lidhur me Vendimin nr. 04/20 për caktimin e pagës mujore për kategori të caktuara të pozitave, përfshirë ngritjen e pagës së Kryeministrit, zëvendëskryeministrave, ministrave, këshilltarëve, dhe një kategorie të shërbyesve civilë të Qeverisë së Republikës së Kosovës, të datës 20.12.2017. E njëjta do të veproj në pajtim me legjislacionin në fuqi”, thuhet në përgjigjen për Telegrafin nga AKK.

Gjykata Kushtetuese, në mbështetje të nenit 113. 2 (1) dhe 116. 2 të Kushtetutës, të neneve 27 (1), 29 dhe 30 të Ligjit dhe në mbështetje të rregullave 29, 54, 55 dhe 56 (1) të Rregullores së Punës, kishte konstatuar se “Vendimi i Qeverisë së Republikës së Kosovës nr. 20/14, i 20 dhjetorit 2017, nuk është në kundërshtim me nenet e pretenduara të Kushtetutës”.

Kushtetuesja merr vendim në favor të Haradinajt për çështjen e rritjes së pagave
Lexo po ashtu Kushtetuesja merr vendim në favor të Haradinajt për çështjen e rritjes së pagave

AKK me opinionin e datës 19 janar 2018 kishte gjetur se ishte paraqitur situata e konfliktit të interesit në vendimin e për ngritjen e pagës së kryeministrit dhe disa prej vartësve të tij.

Pas këtij opinioni, Qeveria e Kosovës e kishte rifuqizuar vendimin për rritjen e pagave të kabinetit qeveritar.

Haradinaj shfuqizon vendimin për pezullim e rritjes së pagave
Lexo po ashtu Haradinaj shfuqizon vendimin për pezullim e rritjes së pagave

Lidhur me çështjen e rritjes së pagave kishte reaguar edhe shefja e Zyrës së BE-së në Kosovë, Natalyia Apostolova, e cila kishte kërkuar që të tërhiqet një vendim i tillë.

Apostolova: Të tërhiqet vendimi për rritjen e pagave për qeveritarët
Lexo po ashtu Apostolova: Të tërhiqet vendimi për rritjen e pagave për qeveritarët

Mirëpo, Avni Arifi, shef i kabinetit të kryeministrit të kryeministrit të Kosovës, Ramush Haradinaj, i është përgjigjur shefes së Bashkimit Evropian në Kosovë, Natalya Apostolova, duke i thënë që sa merret me paga më mirë është të merret me marrëveshjet e dialogut me Serbinë.

Arifi i reagon BE-së: Mos u merr me paga, por me marrëveshjet e dialogut
Lexo po ashtu Arifi i reagon BE-së: Mos u merr me paga, por me marrëveshjet e dialogut

Edhe shefi i Grupit Parlamentar i Lidhjes Demokratike të Kosovës, Avdullah Hoti, ka thënë se rritja e pagave të kabinetit qeveritar është vendim arbitrar dhe përbën shkelje të ligjeve në fuqi.

Hoti kishte thënë se një vendim i tillë për rritjen e pagave paraqet edhe konflikt të interesit.

Hoti: Rritja e pagave të bëhet vetëm me ligj
Lexo po ashtu Hoti: Rritja e pagave të bëhet vetëm me ligj

Ndryshe, edhe ministri i Financave, Bedri Hamza ka dalë kundër këtij vendimi, pasi që siç thotë ai kjo është e dëmshme për buxhetin e shtetit të Kosovës.

Hamza kundër vendimit të Qeverisë, nuk do ta pranojë pagën me rritje
Lexo po ashtu Hamza kundër vendimit të Qeverisë, nuk do ta pranojë pagën me rritje

Ai dhe këshilltarët e tij kanë refuzuar të marrin pagën me rritje.

Sa ishin dhe sa do të jenë pagat e kabinetit Haradinaj? (Video)
Lexo po ashtu Sa ishin dhe sa do të jenë pagat e kabinetit Haradinaj? (Video)

Kujtojmë se Qeveria e Kosovës më 20 dhjetor 2017 kishte marr vendim për rritjen e pagave për kryeministrin, zëvendëskryeministrat, ministrat dhe pjesës tjetër të kabinetit qeveritar. /Telegrafi/