“Ai nuk vrapon shumë, por kur e prek topin e vëren çfarë niveli ka” – Camavinga tregon lojtarin më të mirë me të cilin është përballur

Eduardo Camavinga është pyetur për lojtarin më të mirë të cilin është përballur në fushë.

Mesfushori madrilen e ka cilësuar legjendën e Barcelonës, Lionel Messin si lojtarin më të mirë me të cilin është përballur.

Francezi ka thënë se Messi nuk vrapon shumë, por momentin që prek topin e vëren që niveli i tij është shumë i lartë.

Lexo po ashtu Një top klub evropian ka gati ofertën prej 110 milionë euro për Camavingan, zbulohet qëndrimi befasues i Real Madridit

“Lionel Messi është lojtari më i mirë me të cilin jam përballur ndonjëherë… Ai është dikush që nuk vrapon shumë, por kur prek topin, ndjen se niveli i tij është shumë i lartë”, ka thënë Eduardo Camavinga.

Leo Messi është përballur me Eduardo Camavinga dy herë në karrierën e tij – në finalen e Kupës së Botës 2022 dhe me Paris Saint-Germain kundër Real Madridit, kur Los Blancos bënë një rikthim në Ligën e Kampionëve. 82 minuta në total i mjaftuan francezit për të njohur klasin e Leos.

Lexo po ashtu “A e doni të vërtetën”, Camavinga për bisedat me Mbappen për të ardhmen

Është interesante se Barcelona raportohet se synoi Eduardo Camavinga në 2021 si një zëvendësues potencial afatgjatë për Sergio Busquets.

Megjithatë, katalanasit nuk mund ta përballonin çmimin e lartë për francezin dhe ai përfundoi në Santiago Bernabeu. /Telegrafi/