Agjenti i Zidane: Unitedi nuk e tërheq, Juventusi po

Agjenti i Zinedine Zidane këmbëngul se Manchester United nuk është në përputhje me qasjen e francezit ndaj futbollit, por ai mund të joshet nga Juventusi.

Trajneri francez aktualisht është një agjent i lirë pas largimit nga Real Madridi, pasi ka fituar tre edicione të njëpasnjëshme të Ligës së Kampionëve.

Ai ka qenë i lidhur ngushtë me punën e trajnerit në Old Trafford, pasi e ardhmja e Jose Mourinhos aktualisht është në pikëpyetje, por sipas agjentin kjo nuk e tërheq.

Lexo po ashtu Jose Mourinho drejt largimit nga Manchester United, pesë trajnerët që shihen si zëvendësues të tij

“Nuk mendoj se ai do të shkojë për të punuar në Angli, pasi nuk është në përputhje me stilin e tij apo qasjen e tij ndaj futbollit”, ka thënë fillimisht agjenti Alain Migliaccio për gazetën franceze Journal du Dimanche.

“Kam diskutuar me të dhe kjo ide me të vërtetë nuk e tërheq atë fare”.

“Ai ka zgjedhur për të marrë një vit pushim dhe nuk do të ndryshojë mendjen për këtë”.

Lexo po ashtu Zidane: Së shpejti kthehem të punoj si trajner

“Ka histori atje [te Juventusi], kështu që është plotësisht e mundur”.

“Ai mund të joshet nga klubi ku zemra e tij tashmë është, por nevojitet një projekt i mrekullueshëm “, përfundoi agjenti i Zidane. /Telegrafi/