LAJMI I FUNDIT:

Agim Veliu ministër, Podujeva në zgjedhje të jashtëzakonshme

Agim Veliu ministër, Podujeva në zgjedhje të jashtëzakonshme
-->

Deputetët e Kuvendit të Kosovës votuan të hënën pro formimit të Qeverisë Kurti, e cila do të drejtohet nga LVV dhe LDK.

E pas votimit edhe të kabinetit qeveritar, Komuna e Podujevës pritet që të shkojë në zgjedhje të jashtëzakonshme, pasi që kryetari i saj, Agim Veliu tashmë ka marrë porstin e ministrit të Punëve të Brendshme.

Kjo ndodhë për shkak se i njëjti person nuk mund të mbajë dy pozita udhëheqëse në institucionet publike.

Florent Spahija nga KDI, ka thënë për Telegrafin se sipas ligjit për zgjedhjet lokale, Presidenti i Republikës së Kosovës në konsultim me subjektet politike në rastet normale shpall zgjedhjet dhe datën e zgjedhjeve në nivelin komunal.

“Në rastin e Podujevës, Presidenti jo më vonë se 10 ditë pas dorëheqjes së kryetarit të Podujevës obligohet të shpall zgjedhjet. Zgjedhjet për kryetarin e komunës nuk mund të mbahen më herët se 30 ditë dhe jo më vonë se 45 ditë nga dita e dorëheqjes.

Sistemi zgjedhor parasheh që kuvendi komunal nuk na nevojë të shkoj në zgjedhje, por në zgjedhje shkon vetëm posti i kryetarit të komunës.

Sipas rregullave, për të qenë kandidatë duhet të plotësohen kushtet ligjore dhe një ndër kushtet është edhe që kandidati-ja duhet të jetë banor i komunës ku aplikon në 3 vitet e fundit”, ka thënë Spahija.

Ai ka shtuar se kandidati për kryetar për tu zgjedhur duhet të fitojë më shumë se 50 % plus 1 të votave.

“Nëse askush nuk arrin të marr 50% të votave, atëherë dy kandidatët me më së shumti vota do të shkojnë në balotazh, dhe kushdo nga dy kandidatët fiton më shumë vota zgjidhet kryetar”, tha Spahija.

Një gjë e tillë është e sqaruar në nenin 4 të Ligjit për Zgjedhjet Lokale në Kosovë.

“4.4 Pas shpërbërjes së Kuvendit të Komunës ose shkarkimit të Kryetarit të Kuvendit, nëse nuk parashtrohet ankesë në afat prej pesë (5) ditësh tek Gjykata Kushtetuese, zgjedhjet e parakohshme lokale shpallen nga Presidenti i Kosovës. Pas shpërbërjes së Kuvendit të Komunës zgjedhjet e parakohshme shpallen jo më vonë se dhjetë (10) ditë pas shpërbërjes.

Zgjedhjet e parakohshme nuk mund të mbahen më herët se tridhjetë (30) ditë dhe jo më vonë se dyzetepesë (45) ditë pas shpërbërjes.

Zgjedhjet e parakohshme qeverisen përmes ligjeve të njëjta dhe rregullat e KQZ-së sikurse edhe zgjedhjet tjera, përveç se KQZ-ja mund të ndryshojë afatet kohore në rast se kjo nevojitet për shkak të rrethanave” thuhet në Ligjin për Zgjedhjet Lokale në Kosovë.

Njëjtë kanë bërë të ditur edhe nga Ministria e Administrimit dhe Pushtetit Lokal.

“Ministria e Administrimit të Pushtetit Lokal, në përputhje me mandatin e përcaktuar me  Ligjin Nr. 03/L-040 për Vetëqeverisje Lokale e njofton Presidentin e Kosovës për të ndërmarrë veprimet ligjore për shpalljen e zgjedhjeve lokale të jashtëzakonshme për Kryetar të Komunës së Podujevës, ashtu siç parashihet në dispozitat e Ligjit Nr. 03/L-040 për Vetëqeverisje Lokale dhe nenit 11.2 të Ligjit Nr. 03/L-072 për Zgjedhjet Lokale në Republikën e Kosovës.

Ligji nr. 03/l-072 për zgjedhjet lokale në Republikën e Kosovës, ka paraparë se zgjedhjet e parakohshme nuk mund të mbahen më herët se tridhjetë (30) ditë dhe jo më vonë se dyzetepesë (45) ditë pas shpërbërjes, në rastin konkret dorëheqjes së Kryetarit”, thuhet në përgjigjen e MAPL-së për Telegrafin.

Kujtojmë se Agim Veliu në periudhën 2004-2007 ishte Ministër i Arsimit, i Shkencës dhe i Teknologjisë. Po ashtu në vitet 2008-2009 ishte edhe deputet i Kuvendit të Republikës së Kosovës. /Telegrafi/

Në trend Lajme

Më shumë
Deklarimet e Vuçiqit për luftë, deputeti gjerman i reagon ashpër Borrellit e Lajçakut, po e akuzoni Kurtin pa arsye

Deklarimet e Vuçiqit për luftë, deputeti gjerman i reagon ashpër Borrellit e Lajçakut, po e akuzoni Kurtin pa arsye

Politikë
Babai i Gentian Bejtjes: Nëse djali im ka vrarë e ka prerë, i jap dorën atij që e vrau!

Babai i Gentian Bejtjes: Nëse djali im ka vrarë e ka prerë, i jap dorën atij që e vrau!

Lajme
Premtimi i Abelard Tahirit: Nëse Kurti edhe një herë bëhet kryeministër, unë e lë mandatin e deputetit

Premtimi i Abelard Tahirit: Nëse Kurti edhe një herë bëhet kryeministër, unë e lë mandatin e deputetit

Lajme
Danas: Vuçiq nuk e përjashton mundësinë që Serbia të përdorë forcën në Kosovë

Danas: Vuçiq nuk e përjashton mundësinë që Serbia të përdorë forcën në Kosovë

Lajme
Konjufca kritikon Escobarin: Po vepron sikur Lajçaku

Konjufca kritikon Escobarin: Po vepron sikur Lajçaku

Lajme
Vrasësi serial që ekzekutoi pesë gra në Shqipëri, Karamuço tregon për hetimin

Vrasësi serial që ekzekutoi pesë gra në Shqipëri, Karamuço tregon për hetimin

Lajme
Kalo në kategori