Afrika shpallet “e çliruar” nga poliomieliti i egër

Afrika është shpallur “e çliruar” nga poliomieliti i egër nga organi i pavarur, Komisioni Rajonal i Certifikimit të Afrikës.

Polio zakonisht prek fëmijët nën pesë vjeç, ndonjëherë duke çuar në paralizë të pakthyeshme. Vdekja mund të ndodhë kur muskujt e frymëmarrjes preken.

Si pasojë, njëzet e pesë vjet më parë, mijëra fëmijë në Afrikë u paralizuan nga virusi, shkruan BBC, përcjell Telegrafi.

Nuk ka kurë por vaksina kundër poliomielitit mbron fëmijët për gjithë jetën.

Nigeria është vendi i fundit afrikan që u shpall “i shëruar” nga poliomieliti i egër, pasi ka llogaritur më shumë se gjysmën e të gjitha rasteve globale më pak se një dekadë më parë.

Dhe sëmundja tani gjendet vetëm në Afganistan dhe Pakistan.

Fushata e vaksinimit në Nigeri përfshinte një përpjekje të madhe për të arritur në vendet e largëta dhe të rrezikshme nën kërcënim nga dhuna militante dhe disa punonjës shëndetësorë u vranë në proces.

Polio është një virus që përhapet nga një person te tjetri, zakonisht përmes ujit të kontaminuar. Mund të çojë në paralizë duke sulmuar sistemin nervor.

Dy nga tre llojet e virusit polio të egër janë zhdukur në të gjithë botën. Të martën, Afrika do të shpallet e lirë nga soji i fundit i mbetur i polivirusit të egër.

Më shumë se 95% e popullsisë së Afrikës tani është imunizuar.

Ky ishte një nga kushtet që Komisioni Rajonal i Certifikimit të Afrikës vendosi përpara se ta shpallte kontinentin “të çliruar” nga Polio. /Telegrafi/