Adele duket se po heq tatuazhin e saj të shpinës

Shpresojmë që heqja e tatuazhit të Adeles t’i shkojë lehtë.

Të hënën, këngëtarja e hitit “Someone Like You” shfaqi pak bojë të zbehur në shpinë ndërsa po darkonte me të dashurin e saj, agjentin sportiv Rich Paul.

Ndërsa 34-vjeçarja u largua nga Wally’s Beverly Hills, superfansat vunë re një zog që mezi shihej në shpinën e saj.

Fillimisht, dizajni përshkruante pesë zogj që fluturonin mbi shpatullën e djathtë të këngëtares.

Ndërsa ajo kurrë nuk e ka zbuluar domethënien e veprës së artit, Adele ka thënë se pesë është numri i saj i preferuar; madje është bërë tatuazh në pjesën e brendshme të gishtit të unazës së djathtë.

Për daljen e saj me Paul, fituesja e Grammy-t kombinoi bluzën e saj të hollë me xhinse me dy ngjyra nga Alexander Wang, një treshe byzylykësh Van Cleef & Arpels Alhambra – të cilët fillojnë nga katër mijë euro secili – dhe një çantë vezulluese Cult Gaia “Hera”. /Telegrafi/