Disa çifte shmangin seksin gjatë kohës së menstruacioneve. Pra, a ekzistojnë arsye për të cilat gjatë kësaj kohe nuk do të duhej të praktikohej seksi?
Edhe pse sot e gjithë kjo konsiderohet e parëndësishme dhe besëtyte, shumë çifte akoma shmangin seksin gjatë kohës së menstruacioneve, sepse nuk janë edhe aq të sigurt që ekzistojnë shkaqe të arsyeshme për t’u përmbajtur gjatë atyre ditëve. Ndërkaq, disa çifte nuk mund të shohin gjakun dhe, vetëm kur u shkon mendja që duhet të bëjnë seks në çarçafë të përgjakur, thjesht u bie terri syve
Mirëpo, a mund të jetë i rrezikshëm seksi për femrën dhe partnerin e saj gjatë kohës së menstruacioneve, apo kjo është edhe njëri ndër mitet që lidhen me ciklin mujor të secilës femër?
Seksi gjatë kohës së menstruacioneve mund të jetë edhe më i këndshëm
Seksi gjatë kohës së menstruacioneve vërtet nuk është aspak më i rrezikshëm se ai që praktikohet gjatë ditëve “të thata”. Pikërisht është e kundërta, seksi dhe orgazma relaksojnë muskujt, gjë që ndikon shumë mirë te femra po qe se ka dhembje menstruale. Penetrimi do të jetë dukshëm më i lehtë, sepse vagjina ka lagështi plotësuese, ndërkaq femra, për shkak të fryrjes së vagjinës dhe të klitorisit, përjeton orgazëm jashtëzakonisht intensiv.
Natyrisht, të dy duhet të bini dakord që të bëni seks kur jeni me periodat. Konsensusi duhet sepse pamja e gjakut, përlyerja e penisit me gjak, era dhe shija e gjakut, mund të mos pëlqehen nga njëri prej jush.Kur bëni seks me menstruacione duhet bërë kujdes për higjienën e aktit seksual. Gjaku është terren shumë i mirë ushqimor për mikrobet, ndaj dhe infeksionet mund të ngjiten më shpejt. Kondomi duhet të përdoret patjetër.
Nëse praktikoni seks me person të panjohur, gjithsesi rekomandohet mbrojtja nga sëmundjet seksualisht të transmetueshme, madje edhe kur femra nuk i ka menstruacionet, apo kur nuk ka kurrfarë dëshmie që gjatë kohës së menstruacioneve sëmundjet seksuale mund të transmetohen në masë më të madhe.
Mbrojtja është e nevojshme edhe nga shtatzënia e padëshiruar. Pra, konsiderohet gabim që gjatë kohës së menstruacioneve femra nuk mund të mbetet shtatzënë, prandaj më mirë është që të mbroheni në mënyrë të përshtatshme sesa të rrezikoni.
Si të bëhet seksi në ditë të tilla
Sipas pikëpamjeve mjekësore, është me rëndësi mirëmbajtja e rregullt e higjienës trupore, aq më parë gjatë menstruacioneve, ndërrimi i rregullt i manareve pas pak orësh, aq më parë të tamponëve të cilët rekomandohet që të ndërrohen së paku çdo gjashtë orë. Larja e rregullt dhe bërja dush nuk shkaktojnë kurrfarë komplikimesh. Veshjet e brendshme duhet të jenë të pambukta dhe duhet ndërruar rregullisht, sikur edhe peshqirët.
Kur praktikoni seksin gjatë kohës së menstruacioneve, silluni njësoj si edhe gjatë seksit jashtë kohës së menstruacioneve.
A kanë më shumë dëshirë për seks femrat kur janë me menstruacione?
Kjo nuk dihet mirë. Por, dihet me siguri se gjatë ciklit menstrual, dëshira e gruas për seks, ndryshon në faza të ndryshme të ciklit. Kështu dihet mirë se gjatë ovulacionit, që korrespondon ditën e 14-të të ciklit, gratë duan më shumë seks. Kjo ndodh sepse çlirohet shumë estrogjen dhe shtohet tek gruaja testosteroni i cili rrit dëshirën për seks. Kjo është koha më e përshtatshme për ngjizje (fertilizim), ndaj dhe rritet dëshira për seks. /Telegrafi/
Promo
Reklamo këtuLufta Prigozhin - Putin
Më shumëZbulohen qytetet me erën më të mirë në Evropë. I pari është ndër më të vjetrit në botë
Si të bësh para: Ç'ju mësuan prindërit e pasur fëmijëve të tyre?
Rregullat e karmës që do t’jua ndryshojnë perspektivën për jetën
Makina larëse harxhon dy herë më shumë energji elektrike për shkak të një gabimi që bëjmë
Ç’do të thotë nëse shihni shpesh numrin 6? Numerologjia shpjegon fenomenin
Maska
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
‘Hakmarrja’ e Izraelit ndaj Iranit - gjithçka që ndodhi në ditën kritike
Serwer tregon se pse Serbia i frikësohet anëtarësimit të Kosovës në Këshillin e Evropës
Barcelona po nënshkruan mega-kontratë, ajo do t'i sjellë klubit mbi një miliard euro
Treni në Japoni u nis me 17 minuta vonesë: Kur pasagjerët dëgjuan arsyen, askush nuk u zemërua
Pas ‘hakmarrjes’ së Izraelit ndaj Iranit, reagon shefi i NATO-s
Von Cramon: Nëse Kosova e Serbia përfitojnë më shumë nga moszbatimi i marrëveshjeve, vështirë të bëhet diçka në Bruksel