Diskutimi për Projektligjin për Zyrtarët Publikë, ka sjellë përplasje mes pozitës dhe opozitës në Kuvendin e Kosovës.
Ministri i Punëve të Brendshme, Xhelal Sveçla, tha se Projektligji i ri për Zyrtarët Publikë e mundëson reformimin dhe e hapë administratën shtetërore për të rinjtë e vendit si dhe krijon mundësi për gjithpërfshirje.
“Ky projektligj është rezultat i kërkesave të kohës, po bëhet për të adresuar nevojat e administratës, është kompletuar bashkë me palët e interesit por gjatë të të gjitha fazave dhe është sjell këtu në kuvend si produkt i përbashkët institucional që krijon zgjidhje për stagnimin që e ka sjell administrata ndër vite. Është me rëndësi që secili prej nesh përgjatë trajtimit të këtij projektligji të kemi në mendje që një gjë, rekrutimet e mbyllura dhe lëvizja paralele peng i së cilës ka qenë administrata deri tani nuk kanë lejuar që zyrtarët realisht të kenë mundësi të avancohen në karrierën e tyre profesionale dhe të synojnë pozita menaxheriale”, ka thënë ai.
Shefja e deputetëve të LVV-së Mimoza Kusari-Lila tha se Projektligji për Zyrtarët Publikë është boshti i administratës publike dhe përmes tij synohet ngritja e efikasitetit të administratës në shërbim të qytetarëve.
“Sektori publik është punëdhënësi kryesor në Kosovë dhe rregullimi marrëdhënies së punës së zyrtarit publik është i domosdoshëm. Qëllimi kryesor i këtij projektligji ka për qëllim rregullimin e marrëdhënies së punës së zyrtarit publik”.
Kusari-Lila thotë se përmes këtij projektligji do të bëhet depolitizimi i administratës shtetërore.
Ajo tha se projektligji në fjalë parashikon edhe matjen e performancës për të punësuarit në këtë sektor.
Mirëpo ndryshe mendon deputeti i PDK-së, Mërgim Lushtaku.
Ai thotë se është shumë shqetësuese se Qeveria Kurti po tenton të politizojë administratën publike.
Deputeti i PDK-së thotë se këtë gjë e ka konstatuar edhe Bashkimi Evropian.
“Me këtë projektligj kjo parti edhe praktikisht dëshiron ta kap administratën publike, edhe pse ajo ka kritikuar partitë tjera pikërisht për këtë gjë”.
Lushtaku thotë se po tentohen të bëhen eksperimente me projektligjin në fjalë duke sjellë modele të ndryshme nga shtete të BE-së.
“Ne nuk kemi mundësi të bëjmë këso eksperimente në administratën publike, pasi rrezikojmë të vështirësojmë funksionimin e saj… Nëse ky ligj kalon ne do të ndjekim procedurat ligjore pasi ka shkelje të mëdha kushtetuese në këtë rast”.
Edhe deputeti i LDK-së, Agim Veliu thotë se Projektligji për Zyrtarët Publikë propozuar është një tentim për të degraduar administratën shtetërore dhe atë komunale dhe shërbimin civil.
“Bëhen shkelje në shumë nene. Me dispozitat që përmban ky Projektligj, cenohet e drejta e punësimit si një e drejtë themelore. Një e drejtë e tillë mund t’i merret dikujt me procedura të caktuara ligjore nëse plotësohen disa kushte”.
Veliu thotë me këtë projektligj, pas 18 muajve komunave do t’iu hiqet e drejta për të punësuar stafin e tyre.
Edhe Besnik Tahiri nga radhët e AAK-së ka shprehur qëndrimin kundër të kësaj partie për këtë projektligj.
“Ky projektligj nuk i bënë nder qeverisë e as Kuvendit, dhe mbi të gjitha dëmton administratën publike”.
Tahiri thotë se reformimi i administratës publike është proces shumë i mundimshëm pasi trajton njerëzit dhe pozicionet e tyre.
“Me këtë ligj karriera e zyrtarëve të administratës varet nga partia në pushtet dhe ministrat”, ka thënë Tahiri.
Kundër projektligjit të ri është shprehur edhe përfaqësuesi i deputetëve të Grupit Parlamentar joshumicë, Enis Kervan.
Ai tha se ky projektligj mund të mbështetet me ndryshimin e disa neneve./Telegrafi/
Lufta Prigozhin - Putin
Më shumëPlagosja e katër personave, deklaratat e Policisë e Prokurorisë – gjithçka nga rasti në Lupç të Podujevës
Kush ishin dy gratë që dhanë idenë për pajtimin e gjaqeve, tregon bashkëpunëtori i Anton Çettës
Bajrami: Jam i gatshëm ta ndihmoj Kurtin në procesin e Asociacionit
Balje: Deklarata e Kurtit për Kodin Civil është provokuese, nuk votoj pro martesave të gjinisë së njëjtë
Të shtëna me armë në Lupç të Podujevës, katër të plagosur
Pas skandalit në TikTok, Policia kërkon ndihmë për kapjen e shtetasit të Shqipërisë, i cili ndodhet në një burg në Francë
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
UEFA zbulon lojtarin më të shpejtë për këtë edicion në Ligën e Kampionëve
Zyrtare: Bundesliga me pesë skuadra në Champions duke iu falënderuar Dortmundit
A di të ndalet ky Ronaldo? Çfarë goli me këmbën e majtë
Mohamed Salah thyen heshtjen në rrjetet sociale pas përplasjes që kishte me Jurgen Klopp
Të gjithë po pyesin për ritualin e Bellingham para çdo ndeshjeje – anglezi shpjegon përse e bën
Bajrami: Jam i gatshëm ta ndihmoj Kurtin në procesin e Asociacionit