Në Komisionin për Buxhet, gjatë shqyrtimit të Raportit të Shpenzimeve të Radio Televizionit të Kosovës për periudhën janar-mars 2022, kryetari i Bordit të RTK-së, Besnik Boletini theksoi se për dallim prej viteve të kaluara në këtë periudhë ka pasur kursime të mjeteve buxhetore dhe një performacë më të mirë të mediumit publik.
Boletini thekson se janë kursyer 79 mijë euro në muaj dhe se pozitave menaxhuese në RTK u është zbritur paga.
“Për dallim nga vitet e kaluara, kemi një pasqyrë më ndryshe të pasqyrave financiare. Kemi punuar me një logjikë racionale të kursimeve në mediumin publik, ku 79 mijë euro kemi kursime në muaj. Në kuadër të kursimeve të shpenzimeve, disa menaxherë që kanë qenë me paga të larta, ato janë zbritur. Këto mjete të kursimeve janë bartur për shërbime tjera. Megjithatë sfidë mbetet nga përmbaruesit privatë, të cilët kërcënojnë RTK-në për ngrirjen e llogarive bankare për shkak të borxheve”, tha Boletini.
Duke iu përgjigjur deputetes Duda Balje sa i përket kontratave me shërbime të veçanta, ai theksoi se ka ende punëtorë në RTK me kontratë mbi vepër. Sipas tij, janë dy kontrata të tilla, për prezantuesit e lajmeve Mustafë Muçaj dhe Fadile Kryeziu.
Megjithatë ai këto i ka arsyetuar për shkak të angazhimit të tyre për dy-tri orë punë në javë. Të dy prezantuesit janë në prag të pensionimit.
Ushtruesi i detyrës së drejtorit të përgjithshëm të RTK-së, Shkumbin Ahmetxhekaj këta dy prezantues i ka quajtur ikona për vendin dhe sipas tij ka qenë e nevojshme që të angazhohen tutje në mediumin publik.
Ndër të tjera Ahmetxhekaj theksoi se ka pasur politikanë dhe ish-deputetë që kanë arritur të punësojnë punëtorë në RTK, ka pasur raportim dhe është e faktuar, për çka tha se janë intervistuar nga prokuroria.
Deputeti Visar Korenica ngriti çështjen e një lëshimi në mediumin publik më 1 prill. Ai ka pyetur drejtuesit e televizionit publik se a është e vërtetë dhe a kanë marrë masa për lajmin e rremë në RTK më 1 prill për emërimin e Edi Ramës në krye të NATO-s.
Për këtë, Boletini pranoi se ka ndodhur një lëshim i tillë dhe tha se ka kërkuar të merren masa.
“Është keq çka ka ndodhur në websitin e RTK-së dhe skandaloze çka ka ndodhur”, tha ai.
Për këtë lëshim, Ahmetxhekaj tha se ka pasur një dorëheqje nga u.d. i kryeredaktorit Enver Bajrami.
Sa i përket borxheve të RTK-së, kryetari i Komisionit, Armend Muja përmendi një prej borxheve të RTK-së ndaj një restoranti në Prishtinë, mbi 2 mijë euro.
“A ka mundësi me hëngër bukë borxh nga RTK-ja, a?”, tha Muja, për çka nuk mori përgjigje nga drejtuesit e këtij mediumi.
Komisioni po vazhdon ta shqyrtojë këtë raport të shpenzimeve në RTK për periudhën janar-mars 2022. /KP/Telegrafi/
Lufta Prigozhin - Putin
Më shumëNga Rubrika
1 Maji, Kurti thërret për solidaritet dhe organizim sindikal
Dita e punëtorëve, Tahiri: Sot nuk ka vend për festë – Qeveria mund të festoj dështimet
UBT ndan çmimin më të lartë institucional për Rektorin e Trakya Üniversitesi, Prof. Dr. Erhan Tabakoğlu dhe bën hapjen e Teknoparkut Ndërkombëtar
N’BAU krejt i gjen me zbritje këtë javë!
1 Maji, Kurti thërret për solidaritet dhe organizim sindikal
Respekti dhe vlerësimi i punëtorëve refletojnë në suksesin e Emona Center
Fito udhëtim në çift me IP Petrol!
Relaksim në përjetësi, me “Holiday In 2” t’gjitha i ki
Kosova arrin vlerësimin e parë kreditor sovran, konsiderohet si pasaportë për vendin
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Harry Kane i përgjigjet incidentit të penalltisë me Jude Bellingham me një përgjigje të qartë
Ancelotti tregohet i sinqertë për lojën që bëri Bayerni përballë Realit
Tchouameni ndërpreu Mullerin në intervistë, krijohet situatë qesharake mes dyshes
Tifozja shqiptare e mbështjellur me flamurin kombëtar në tribunat e Allianz Arenas për ndeshjen Bayern-Real
Kosova në KiE dhe rezoluta për Srebrenicën, mediat rajonale: Vuçiq e pranoi zyrtarisht humbjen
Peci: Nëse draft-statuti nuk dërgohet në Kushtetuese, procesi i anëtarësimit të Kosovës në KiE nuk do të hyjë as në rend të ditës