2.500 studentë kanë mbledhur gjërat e tyre që muaj më parë u kishin mbetur në Qendrën e Studentëve. Qeveria e Kosovës nga 18 marsi ka marrë vendim që Qendra e Studentëve të shërbejë si hapësirë karantine, pas rastit të parë të shënuar në Kosovë me COVID-19 me datë 13 mars 2020. Që nga ajo datë, katër konvikte kanë shërbyer si karantinë për të riatdhesuarit në Kosovë.
Drejtori i Qendrës së Studentëve, Fatmir Sfishta thotë se studentët kanë pasur mundësi deri të shtunën që të tërheqin gjësendet që u kanë mbetur.
Studentë e organizata studentore janë ankuar për gjësendet e tyre personale se u janë vjedhur në konvikte, e për këtë Sfishta thotë se janë duke u koordinuar me policinë për të hulumtuar gjetjen e provave dhe fakteve për këtë.
“Ka pasur disa ankesa, disa deklarata, pakënaqësi nga ana e studentëve të cilët janë ankuar që ju mungojnë disa gjësende kryesisht në konviktet ku kanë qenë të karantinuarit. Me këto raste ne si staf i Qendrës së Studentëve në bashkëpunim me Policinë e Kosovës jemi duke u marrë. Duke i grumbulluar të gjitha të dhënat, kështu që do të merrem me çdo rast, veç e veç në mënyrë që ta dimë të vërtetën dhe të vijmë në përfundim se çfarë ka ndodhur”, deklaron ai.
Nga data 18 maj deri më 23 maj, studentët banues të konvikteve kanë pasur mundësinë t’i tërheqin gjësendet e tyre nga konviktet të cilat janë bosh dhe nuk ka të karantinuar.
“I kemi 2500 studentë, dhe po vazhdon procesi, sot në tri konviktet është duke vazhduar ky proces i tërheqjes. Kemi afat edhe nesër dhe përpos konviktit 6 dhe 8 nuk kemi pasur të mundshme që t’i ftojmë ata studentë që kanë qenë banorë të konviktit 6 që kanë qenë të karantinuarit”, tha Sfishta për KosovaPress.
Burim Lumi, i cili është student i Fakultetit të Mjekësisë, tregon për KosovaPress, se u ishte premtuar se gjërat e tyre do të jenë të sigurta, por që një gjë e tillë nuk ka ndodhur.
“Po pas vendimit që QS do të përdoret si karantinë (gjë që ka qenë plotësisht e kuptueshme) na është premtuar disa herë që gjërat tona janë të sigurta dhe që nuk do të dëmtohen e as nuk do të humbin. Mirëpo gjatë kohës që kemi tërhequr gjësendet tona nga konviktet, studentët kanë vërejtur që disa gjëra të tyre mungojnë e disa edhe të dëmtuara. Në bashkëbisedim me studentë të tjerë gjërat që më shumë janë raportuar si të humbura janë veshmbathje të ndryshme, ora dore, mjete higjenike e disa raste janë raportuar edhe dëmtime të arkave të kursimit të studentëve. Personalisht të humbura kam raportuar 2 orë dore”, tregon ai.
Edhe Valbonë Sahiti, e cila ishte duke banuar në Qendrën e Studentëve, tregon që i kanë humbur veshmbathjet që kishte lënë në dhomë.
“Kemi mbledhur të gjithë gjërat me datën 20.05 për fat të keq mua më kanë humbur disa gjëra. Në konviktin tim nuk ka pasur të karantinuar mirëpo ata me thanë që vetëm pastrueset kanë hy. Momentin që lajmërova njëri prej referentave më tha mos ta ka marr shoqja. Mirëpo menjëherë reagova thash nuk ka mundësi sepse njëra ende nuk ardh e tjetra është para meje t’u përgatit mi mbledh por pastaj erdhi njëri tha e di të besojmë ty se vetëm pastrueset kanë pas mundesi me ta marrë”, ka treguar ajo.
Organizata studentore “Paqja Studentore”, i ka konsideruar vulgare, si dhe të papranueshme këto që u kanë ndodhur studentëve.
“Paqja Studentore u bën thirrje Qendrës së Studentëve dhe Policisë së Kosovës që të kontaktojnë me të gjithë studentët që janë dëmtuar dhe së bashku me ta t’i identifikojë dëmtuesit/vjedhësit eventualë të gjësendeve të tyre”, kanë reaguar ata. /Telegrafi/
Promo
Reklamo këtuLufta Prigozhin - Putin
Më shumëNga Rubrika
Gerapetritis: Marrëveshja e Prespës nuk mund të ndryshohet nga njëra palë
Një vit kur kryetarët e komunave në veri morën detyrat, LVV: Grupet kriminale serbe bën sulme, por institucionet tona ngadhënjyen
KFOR-i negocioi largimin e terroristëve nga Banjska, Islami: Qëllimi ishte dëbimi, e jo vrasja e tyre
Një grua në Gjilan grabitet dhe dhunohet nga dy të panjohur, ajo ishte duke ecur rrugës me djalin e saj
Rrebeshe shiu e breshëri sot në Kosovë
Raporti zyrtar: KFOR-i e negocioi largimin e terroristëve nga Banjska
Ligji për çmimet e barnave nuk gjen zbatim, qytetarët ankohen - MSH sqarohet
Pas takimit në Athinë, kryeministri Rama mbledh sot bashkatdhetarët në Milano
Rrahje mes vëllezërve në Gjakovë, lëndohet nëna gjatë ndërhyrjes
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251
Më të lexuarat
Shpërthejnë komentet negative, menjëherë pas eliminimit të Meriton Mjekiqit nga gara
Fjalët e para të Toni Kroos pasi luajti ndeshjen e tij të fundit në “Santiago Bernabeu”
Finalja e BBVA 3, Heidi Baci elimohet - Julian Deda vazhdon përpara me Eglën dhe Romeon
Si e menaxhoi Qeveria e Kosovës sulmin kibernetik që erdhi nga Rusia?
Protagonist absolut, statistikat e Granit Xhakës flasin për dominimin e tij - shpallet lojtar i ndeshjes në finale
NYT: Grenelli i kishte propozuar Trumpit ta vizitonte Thaçin në Hagë, por ai refuzoi