30 vjet pas Çernobilit kafshët janë radioaktive

Rrezatimi radioaktiv ende është në truall të regjioneve të largëta, ndërsa kafshët kontaminohen me ushqim.

Pushteti në Çeki tërheq vërejtjen se derrat e egër në jugperëndim të këtij vendi edhe më tej janë të kontaminuar me radioaktivitet, të cilin e ka shkaktuar katastrofa nukleare në Çernobil, e cila ka ndodhur tash më shumë se 30 vjet.

Në fakt, derrat e egër në vete kanë doza aq të madhe të rrezatimit, sa edhe pas kaq vitesh konsiderohen të dëmshme për ushqim sipas rregullave shëndetësore. Se sa doza e madhe e rrezatimit ndikon në botën bimore e shtazore pas shpërthimit të kobshëm të reaktorit në vitin 1986 ka qenë temë e hulumtimeve me rëndësi të madhe në qarqet shkencore dhe, ndonëse doza e radioaktivitetit në atë regjion ende konsiderohet tepër e lartë për njerëz, bota shtazore atje mu për shkak të mungesës së njerëzve po përjeton lulëzim.

Shikojini pasojat e katastrofës së Çernobilit në mutacionet gjenetike tek njerëzit:

Salmonë të panumërt, derra e ujq tregojnë se rrezatimi nuk është pengesë për jetë.

Derrat e egër në Çeki, ndonëse bukur larg nga vendi i fatkeqësisë, megjithatë tregojnë se rrezatimi nuk po zhduket dhe mund të ketë pasoja për shëndet.

“Fakti se ka kafshë më shumë, nuk do të thotë se ato janë më të shëndetshme dhe është e sigurt të hahen”, thonë ekspertët.

Supozohet se derrat e egër e marrin rrezatimin nëpërmjet ushqimit, përkatësisht kërpudhat të cilat rriten në truallin e kontaminuar, për të cilave grumbullohet ceziumi në trupat e kafshëve.

Shikojeni videon mbi pasojat afatgjatë të katastrofës nukleare të Çernobilit: