Zyrtare: Feronikeli nënshkruan me sllovenin Ozbej Kuhar

Feronikeli ka arritur një tjetër marrëveshje, duke nënshkruar kësaj radhe me mbrojtësin slloven, Ozbej Kuhar.

Lojtari ka nënshkruar një kontratë me Feronikelin për të kaluar sezonin e ardhshëm si pjesë e këtij klubit.

Kuhar luan në pozitën e mbrojtësit të djathtë dhe vjen në Feronikel në vazhdën e përforcimeve të afatit kalimtar veror.

Mbrojtësi slloven, më parë ishte pjesë e klubit të NK Triglav nga Sllovenia.

FC Feronikeli vazhdon edhe më tutje të jetë aktiv në këtë afat kalimtar dhe priten edhe nënshkrime të reja. /Telegrafi/