LAJMI I FUNDIT:

Zgjedhjet lokale në Maqedoni rrisin nivelin e interesimit të qytetarëve për kryetarët e partive

Zgjedhjet lokale në Maqedoni rrisin nivelin e interesimit të qytetarëve për kryetarët e partive

Zgjedhjet lokale në Maqedoninë e Veriut e kanë rritur interesin e qytetarëve për kryetarët e partive politike në vend.

Nga ajo që shihet në “Google Trends”, shkruan Telegrafi Maqedoni, është se gjatë kohës kur ka pasur fushatë parazgjedhore dhe ditën kur janë mbajtur zgjedhjet lokale, interesimi i qytetarëve për kryetarët politik ka shënuar rritje.

Kryeministri dhe kryetari i LSDM-së Zoran Zaev, në 90 ditët e fundit popullaritetin më të madh e ka pasur më 1 dhe 6 nëntor, gjegjësisht pasi deklaroi se do të jep dorëheqje nga posti i kryeministrit dhe kryetarit të LSDM-së.

Ndërsa kryetari i OBRM-PDUKM-së Hristijan Mickoski, më i popullarizuar në “Google” ka qenë më 24 gusht.

Kurse sa i përket liderëve politik shqiptar, kryetari i BDI-së Ali Ahmeti, më i kërkuar ka qenë më 28 tetor.

Bilall Kasami i cili u zgjodh edhe kryetar i ri i Komunës së Tetovës, popullaritetin më të madh në “Google” e ka pasur në raundin e dytë të zgjedhjeve lokale, gjegjësisht më 31 tetor.

Ndërkaq, sa i përket kryetarit të ASH-së Ziadin Sela, ai kulmin e ka arritur në dy data edhe atë më 15 shtator dhe 6 tetor.

Gjithashtu, rritje të popullaritetit ditëve të fundit ka pasur edhe kryetari i partisë “E Majta” Dimitar Apasiev dhe partia e tij. Prej 30 shtator, termi “Levica” në “Google” është kërkuar pothuajse çdo javë, edhe atë te qytetet me shumicë shqiptare.

Ndryshe, pas përfundimit të zgjedhjeve lokale, partitë opozitare së bashku me Lëvizjen Besa, formuan shumicë të re në Kuvend për rrëzimin e Qeverisë “Zaev 2”, kurse senca për votimin e mosbesimit është caktuar për të enjten./Telegrafi/

Në trend Lajme

Më shumë
Dygjuhësia duhet të merret si avantazh, jo problematikë te fëmijët – Pervizaj flet për hulumtimet e fundit

Dygjuhësia duhet të merret si avantazh, jo problematikë te fëmijët – Pervizaj flet për hulumtimet e fundit

Elfije Boletini
Deklaratat për zgjedhje, Konjufca: Mazhoranca nuk ka vullnet që vendi të shkojë në zgjedhje përmes dorëheqjes së Qeverisë

Deklaratat për zgjedhje, Konjufca: Mazhoranca nuk ka vullnet që vendi të shkojë në zgjedhje përmes dorëheqjes së Qeverisë

Lajme
Lajçak me post të ri nga shtatori

Lajçak me post të ri nga shtatori

Lajme
IKShPK: Regjistrohen 8 raste të Kollës së mirë në Kosovë, prindërit t'i vaksinojnë fëmijët

IKShPK: Regjistrohen 8 raste të Kollës së mirë në Kosovë, prindërit t'i vaksinojnë fëmijët

Shëndetësi
RTK: Ambasadori Berishaj po intervistohet nga Prokuroria Speciale

RTK: Ambasadori Berishaj po intervistohet nga Prokuroria Speciale

Drejtësi
Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Lajme
Kalo në kategori