Zëvendësojeni shikimin e televizorit me aktivitete të tjera

Një hulumtim i ri tregon se shikimi i tepërt i televizorit në të katërdhjetat dhe pesëdhjetat, mund të ndikojë negativisht në shëndetin e trurit tuaj në vitet e mëvonshme. Shikimi i tepërt i TV-së mund të shkaktojë rënie të aftësive njohëse (kognitive) dhe një rënie të lëndës gri në tru

Sa më shumë që shikoni televizor në vitet e katërdhjeta, pesëdhjeta dhe gjashtëdhjeta të moshës suaj, aq më i lartë është rreziku i problemeve të shëndetit të trurit në vitet e mëvonshme – përfunduan studiuesit të cilët në javën e kaluar prezantuan tri studime të reja në një konferencë mbi epidemiologjinë, parandalimin, stilin e jetës dhe shëndetin kardio-metabolik.

Kërkimet kanë vlerësuar shikimin e televizorit si qëndrim ulur, si dhe kohën e kaluar duke qëndruar ulur (që është ekuivalente me kohën e kaluar para televizorit). Shëndetin e trurit më vonë e kanë vlerësuar nga pjesëmarrësit duke iu përgjigjur pyetjeve në lidhje me zakonet e tyre të shikimit, duke plotësuar teste kognitive dhe duke iu nënshtruar rezonancës magnetike të trurit.

Studiuesit gjithashtu zbuluan se ndikimi pozitiv i aktivitetit fizik nuk është domosdoshmërisht i mjaftueshëm për të luftuar ndikimin negativ të shikimit të TV-së. Kjo, megjithatë, nuk do të thotë që ne duhet të heqim dorë nga ushtrimet.

Nga të dhënat e tyre, ata llogaritën që çdo rritje prej një ore në kohën mesatare ditore të shikimit të televizorit, shoqërohej me një ulje prej 0.5 për qind të vëllimit të lëndës gri të trurit.

Shoqata Amerikane e Zemrës në faqen e saj të internetit thotë se shkenca ka lidhur pasivitetin dhe qëndrimin ulur me një rrezik më të lartë të sëmundjes së zemrës, diabetit të tipit 2, kancerit të zorrës së trashë dhe mushkërive, si dhe vdekjen e mëhershme – transmeton Healthline.

Gjëja më e rëndësishme është të merrni parasysh atë që mund të bëni në vend se të shikoni televizion. Kur bëhet fjalë për modifikimin e stilit tuaj të jetës, në fund të fundit është zgjedhja juaj se si të veproni. Në vend që të merrni një telekomandë, kapni një libër interesant ose shkoni për një shëtitje – thonë ekspertët.

Sidoqoftë, konteksti personal është gjithashtu i rëndësishëm. Kjo do të thotë se nëse nuk jeni lexues i librit, mos vendosni të kaloni të gjitha orët tuaja televizive në kohën e kaluar duke lexuar romanin. Në vend të kësaj, zgjidhni aktivitete që do t’ju pëlqejnë, kështu që ka më shumë të ngjarë t’i zgjidhni ato në planin afatgjatë, në vend se të shikoni televizor. /Telegrafi/