Zendaya është parë duke filmuar sezonin e tretë të "Euphoria" në Palmdale, Kaliforni, duke konfirmuar për fansat se xhirimet kanë nisur më në fund.
Aktorja 28-vjeçare u shfaq teksa po luante rolin e Rue Bennett, duke filmuar skena me Alexa Demie në një klub striptizmi të ndërtuar posaçërisht për produksionin.
Në pamjet nga seti, Zendaya duket mjaft e lodhur dhe e përgjumur, një situatë që i ka kujtuar polemikën e vitit 2022 rreth ditëve të gjata të xhirimeve, kur anëtarët e kastit kritikuan krijuesin Sam Levinson për orët e pafundme të punës, shkruan DailyMail.
Xhirimet, shpesh duke kaluar nga 15 deri në 17 orë, shpesh kanë lënë aktorët të rraskapitur, me disa, si Maude Apatow dhe Jacob Elordi, që kanë përmendur se kanë kaluar netë të lodhshme nga muzgu deri në agim.
Sezoni i tretë i "Euphoria" pritet të shfaqet në vitin 2026, pas disa vonesash për shkak të axhendave të ngjeshura të aktorëve dhe grevave të SAG dhe WGA.
Pavarësisht vonesave dhe sfidave të shumta, Zendaya është emocionuar për të sjellë një histori të re, ku do të ndodhin ndryshime të mëdha në jetën e personazheve.
Në këtë sezon, do të shohim se si personazhet, tashmë të rritur, do të përballen me pasojat e jetës pas shkollës së mesme, duke sjellë një perspektivë më të gjerë dhe më komplekse të historisë së tyre. /Telegrafi/
