Ligji për Sigurimet Shëndetësore nuk i ka përmbushur kriteret e parapara me dispozitat e tij para fillimit të mbledhjes së premiumeve shëndetësore. Mbledhja premiumeve shëndetësore duke u bazuar në Ligjin për Sigurimet Shëndetësore cenon konkurrencën e lirë, duke e favorizuar sektorin publik dhe duke diskriminuar sektorit privat.
Këto ishin disa nga arsyet që Oda Ekonomike Amerikane në Kosovë (OEAK) ka kërkuar pezullimin e nisjes së mbledhjes së premiumeve.
Kështu ka thënë drejtori ekzekutiv i OEAK-ut, Arian Zeka në një intervistë për Ekonomia Online, sipas të cilit Ministria e Shëndetësisë nuk ka qenë e gatshme dhe nuk ka plotësuar një sërë kriteresh të parapara me Ligjin për Sigurimet Shëndetësore.
“Pse duhet qytetarët ose të punësuarit të paguajnë për diçka, apo për një shërbim të cilin nuk do të mund të fillojnë ta marrin ose ta gëzojnë që në ditët e para të pagesës për të”, ka thënë Zeka.
“Për shkak se Ministria e Shëndetësisë nuk ka qenë e gatshme, nuk ka plotësuar një sërë kriteresh të cilat kanë qenë kërkesa ligjore të parapara me Ligjin për Sigurimet Shëndetësore para se të fillojë me mbledhjen e premiumeve, dhe duke bërë thirrje që vazhdimisht mos të lejohet shkelja e ligjeve të caktuara, atëherë e kemi parë realisht të palogjikshme që një institucion shtetëror, në këtë rast Ministria e Shëndetësisë të kaloj në një veprim, e cila e shkel ligjin në disa kritere të parapara”, ka thënë ai.
“Disa prej veprimeve të ministrisë në pikëpamje tona natyrisht kanë sugjeruar që natyrisht ministria po diskriminon sektorët ekonomik në këtë rast sektorët e kujdesit shëndetësor, favorizohen institucionet publike derisa lihen anash institucionet private të kujdesit shëndetësorë. Edhe ne kemi thënë që me një ligj tjetër siç është Ligji për Shëndetësinë është parim kyç që të dy sektorët duhet të trajtohen në mënyrë të barabartë nga Ministria e Shëndetësisë”, ka thënë Zeka.
“Kanë qenë këta faktorë të cilët i përmenda dhe ajo çka është më e rëndësishmja mosgatishmëria e ministrisë as në aspektin e krijimit të listës së shërbimeve, as në aspektin e krijimit të çmimores së shërbimeve, pajisja e qytetarëve ose pajisja e të siguruarve me kartela ose dokumente të tjera për verifikimin e gjendjes shëndetësore të cilat e kanë bërë të pamundur edhe të palogjikshme nisjen e mbledhjes së premiumeve”, ka thënë Zeka.
Sipas variantit të ofruar nga Ministria e Shëndetësisë, biznesi e po ashtu edhe të punësuarit obligohen që nga data 1 janar 2017 të paguajnë nga 3.5 për qind nga paga e tyre që në totalin e tyre shumën prej 7 për qind të pagës për ta paguar tarifën për sigurimet shëndetësore, edhe pse në 6-mujorin e parë nuk do të ketë kurrfarë shërbimesh mjekësore që ofrohen aktualisht në spitalet e shtetit.
Lufta Prigozhin - Putin
Më shumëFlorin Krasniqi kërkon mbi 28 milionë euro dëmshpërblim nga Mali i Zi
Pasuria e guvernatorit të BQK-së, drejtorit ATK-së dhe drejtorit të Doganës
GoBau – Kositëse bari
U hap panairi Horeca, "Zgjidhje për çdo shef" - Një sinjal pozitiv për gastronominë dhe hotelerinë
EBC Cosmetics vjen me zbritjen më të madhe vjetore
StaffiX ofron trajnim për Bazat e Menaxhimit të Burimeve Njerëzore
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
John Terry zbulon historinë e patreguar se si ai udhëhoqi kryengritjen te Chelsea ndaj një trajneri
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Pasuria e guvernatorit të BQK-së, drejtorit ATK-së dhe drejtorit të Doganës
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Klopp e donte lojtarin që sot luan për Liverpoolin, por bordi kërkonte një tjetër - si nisi mosmarrëveshja mes tyre