Zbulohet se kush e vrau Prigozhinin, gazeta amerikane publikon emrin e njeriut që dha urdhrin

Sekretari i Këshillit të Sigurisë së Rusisë, Nikolai Patrushev është personi që ka drejtuar operacionin e vrasjes së Yevgeny Prigozhin, raporton Wall Street Journal.

Kreu i grupit Wagner, Prigozhin humbi jetën disa muaj më parë, pas rrëzimit të aeroplanit ku ishte në bord së bashku me nëntë persona të tjerë, transmeton Telegrafi.

Tani, gazeta amerikane raporton se drejtuesi i këtij operacioni ishte Patrushev, një mik i ngushtë i presidentit rus Vladimir Putin.

Lexo po ashtu Shefi i grupit Wagner, Prigozhin ishte në bordin e aeroplanit të rrëzuar – e konfirmon Rusia

Zyrtarë të inteligjencës perëndimore dhe një ish-oficer i inteligjencës ruse i thanë The Journal se vdekja e Prigozhinit në gusht ishte nxitur dhe miratuar nga 72-vjeçari.

Akuza të shumta ka pasur kundrejt presidentit rus Putin, të cilin e kishin konsideruar përgjegjës dhe shkaktar për vdekjen e shefit të grupit Wagner.

Kjo pasi, para se të ndodhte incidenti i aeroplanit, Prigozhin kishte bërë një rebelim kundrejt udhëheqjes ushtarake ruse dhe u nis me ushtrinë e tij drejt Moskës, duke braktisur pozicionet në Ukrainë.

Por, para se të mbërrinte në Moskë, u arrit marrëveshje për ndërprerjen e kryengritjes. Prigozhin ishte ankuar një ditë më parë se ushtria e rregullt ruse kishte bombarduar kampet e grupit dhe herë pas here ankohej për mungesë municionesh.

Lexo po ashtu Prigozhin gjithashtu “vdiq” në vitin 2019 nga rrëzimi i aeroplanit – dy ditë më vonë u shfaq i gjallë

Ish-oficeri i inteligjencë ruse, Patrushev i dha urdhër ndihmësit të tij në muajin gusht për të hartuar një operacion që do ta vriste Prigozhinin.

Një bombë e vogël u vendos nën krahun e aeroplanit gjatë një vonese kur inspektorët e sigurisë po e kontrollonin aeroplanin, thanë zyrtarët e inteligjencës perëndimore për The Journal.

Dmitry Peskov, një zëdhënës i Kremlinit, i tha Reuters se nuk do të komentonte mbi këtë çështje. /Telegrafi/