Denzel Washington ka shokuar fansat pas një veprimi të tensionuar me një fotograf, ndërsa po merrte pjesë në premierën e filmit të tij “Highest 2 Lowest” në Festivalin e Filmit në Kanë të hënën.
Aktori 70-vjeçar, fitues i çmimit ‘Oscar’, u pa duke i drejtuar gishtin në fytyrë njërit prej fotografëve.
Dhe tani, lexuesi ekspert i buzëve, Jeremy Freeman, ka thënë për DailyMail.com se ylli i “Malcolm X” duket se është shpërqendruar nga një fotograf që e ka prekur në krah.
Ndërsa Denzel kthehet nga fotografi, ai duket sikur bërtet: “Hej - edhe një herë, ndalo”.
“Më lejoni t'ju them - ndalo, ndalo - mos më prek më kurrë”, duket se i bërtet ai fotografit, i cili kishte një buzëqeshje të çuditshme në fytyrë gjatë gjithë shkëmbimit të fotove.
“Po të flas ty, ndalo, në rregull”, vazhdoi ai.
Sipas Freeman, fotografi i përgjigjet Denzel duke thënë: “Nuk lejohet”, përpara se të qeshë dhe të shtojë, “Po, po, po”.
Pavarësisht fjalëve emfatike dhe gjuhës së trupit të aktorit, fotografi mund të shihet duke e kapur përsëri Denzelin në klip dhe ka guximin të pyesë: "A mund të bëj një foto?".
Pavarësisht intensitetit të fjalëve të tij, shumë nga fotografët përreth Uashingtonit - përfshirë atë të cilit po i bërtiste - po buzëqeshnin, duke sugjeruar se mund të mos e kishin kuptuar sa i mërzitur ishte ai. /Telegrafi/
