Zbulohen shpenzimet e secilit klub të Serie A për paga – Juventus kryeson renditjen para Interit, Romës dhe Milanit

Një analizë e faturave të pagave të 20 skuadrave të Serie A zbuloi se shpenzuesit më të lartë ishin Juventusi, Interi dhe Roma, duke shpenzuar mbi 210 milionë euro së bashku.

Mediumi Tuttomercatoweb analizoi shpenzimet për pagat e të gjitha klubeve në ligën elitare italiane këtë sezon, duke treguar boshllëqet e mëdha midis klubeve në krye dhe në fund të tabelës së ligës.

Juventusi është shpenzuesi më i lartë, duke paguar 74.1 milionë euro neto këtë sezon për pagat, që është pak më shumë se 71.7 milionë euro të Interit nw vendin e dytë.

Në fund të podiumit është Roma, e cila është fokusuar kryesisht në transferimet e lira në vitet e fundit dhe do të paguajë 68.6 milionë euro paga këtë sezon.

Fituesi i Scudettos sezonin e kaluar, Napoli është i gjashti në renditje me një faturë pagash prej 44.4 milionë euro nw vit, por kjo ka të ngjarë të rritet në muajt e ardhshëm për shkak të kontratave të reja që do t’i ofrohen Victor Osimhen dhe Khvicha Kvaratskhelia.

Shpenzuesit më të ulët në Serie A janë Lecce me 9.8 milionë euro për paga nw sezon dhe Frosinone me 11.5 milionë euro.

Juventus ancora prima, l’Inter si sta avvicinando: la classifica dei monte ingaggi di Serie A https://t.co/jLsNzvKyvU

— TUTTOmercatoWEB (@TuttoMercatoWeb) November 22, 2023

Shpenzimet neto të klubeve të Serie A për paga

Juventus – 74.1 milionë euro

Inter – 71.7 milionë euro

Roma – 68.6 milionë euro

Milan – 60.2 milionë euro

Lazio – 44.7 milionë euro

Napoli – 44.4 milionë euro

Fiorentina – 37.5 milionë euro

Atalanta – 29.3 milionë euro

Torino – 24.7 milionë euro

Genoa – 21.9 milionë euro

Sassuolo – 20.9 milionë euro

Udinese – 19.6 milionë euro

Bologna – 19.3 milionë euro

Cagliari – 19.2 milionë euro

Salernitana – 18,4 milionë euro

Monza – 18,1 milionë euro

Empoli – 16.8 milionë euro

Hellas Verona – 15.4 milionë euro

Frosinone – 11.5 milionë euro

Lecce – 9.8 milionë euro

/Telegrafi/