Zbritet inflacionit në Britani të Madhe, niveli më i ulët në më shumë se një vit

Inflacioni në Britani të Madhe zbritet më shumë se sa pritej, duke u ngadalësuar në normën e tij më të ulët vjetore që nga marsi 2022.

Siç tregojnë të dhënat zyrtare, çmimet e konsumit ranë në 7.9 për qind në muajin qershor krahasuar me një vit më parë që ishin 8.7 për qind.

Ekonomistët e anketuar kishin parashikuar një rritje prej 8.2 për qind.

Inflacioni bazë, i cili heq kostot e paqëndrueshme të ushqimit dhe energjisë, ra në 6.9 për qind nga 7.1 për qind në muajin maj, që ishte norma më e lartë në 31 vjet. Inflacioni i çmimeve të ushqimeve ra gjithashtu, në 17.3 për qind nga 18.3 për qind, me çmimet ende në rritje muajin e kaluar krahasuar me një vit më parë.

Të dhënat do të ofrojnë lehtësim për Bankën e Anglisë, e cila ka rritur normat e interesit në çdo takim që nga dhjetori 2021, duke e çuar normën e saj bazë në 5 për qind muajin e kaluar. Megjithatë, numrat nuk kanë gjasa të shmangin një rritje tjetër të normës kur banka qendrore të mblidhet më 3 gusht, sepse inflacioni vazhdon të ecë ndjeshëm mbi objektivin e tij prej 2 për qind.

Rritja e fortë e pagave mbetet gjithashtu një rrezik kryesor për perspektivën e inflacionit.

Rënia e inflacionit bazë dhe shërbimeve mund të tregojë një dobësim të presioneve themelore inflacioniste, pas një vargu rritjesh të nxitura nga presionet e forta të pagave në tregun e punës. Inflacioni vjetor i shërbimeve ra nga 7.4 për qind në maj në 7.2 për qind në qershor. /Telegrafi/