Zaev: Do të ofrojmë zgjidhje në pajtim me opozitën, presidentin dhe qytetarët

Kryeministri i Maqedonisë, Zoran Zaev, pas takimit me kancelaren gjermane, Angela Merkel, tha se Maqedonia është e gatshme të oftojë zgjidhje në të cilat do të përfshihet edhe opozita, presidenti, por edhe për të cilat do të kërkojnë miratimin e qytetarëve të vendit.

“Neve na mbetet detyra vendore: të vazhdojmë intenzivisht me reforma, si dhe zgjidhjen e çështjes së hapur me Greqinë, problem që për atë vend është emri ynë kushtetues. Këto janë delikate, çështje të rënda, por ne jemi të vëmendshëm që të ofrojmë zgjidhje ku do të përfshihet edhe opozita edhe presidenti i shtetit, ndërsa do të kërkojmë miratim edhe nga qytetarët”, tha Zaev, në konferencën e përbashkët me Angela Merke, përcjell Telegrafi Maqedoni.

Gjatë konferencës Zaev gjithashtu tha se, një Gjermani e fortë dhe stabile është në interes të Evropës dhe Ballkanit.

“Këtë vit shënuam 25 vite nga vendosja e marrëdhënieve diplomatike mes dy vendeve. Nuk ka vërtetim më të mirë për bashkëpunimin mes Maqedonisë dhe Gjermanisë se sa, vetë faktet. Gjermania është partneri tregtar numër 1, i vendit tonë”, tha Zaev./Telegrafi/