LAJMI I FUNDIT:

Zaev: E konfirmojmë kapacitetin për reforma dhe politika për bashkëpunimin rajonal

Zaev: E konfirmojmë kapacitetin për reforma dhe politika për bashkëpunimin rajonal

Në Elbasan sonte kanë arritur delegacionet e Republikës së Maqedonisë së Veriut dhe të Serbisë, të kryesuara nga kryeministri Zoran Zaev gjegjësisht presidenti Aleksandar Vuçiq, të cilët u pritën nga nikoqiri, kryeministri shqiptar Edi Rama dhe zëvendëskryeministri, Arben Ahmetaj, si dhe nga ministra të tjerë të Qeverisë shqiptare.

Nesër vazhdojmë me agjendën e punës, për të cilën do të nënshkruajmë më shumë marrëveshje për përfitime reale dhe mirëqenie të popujve tanë, ka shkruar kryeministri Zoran Zaev në një postim në Facebook, para takimit të shtatë të nesërm në kuadër të nismës “Ballkani i Hapur”.

Në delegacionin e RMV, të udhëhequr nga Zaev, janë zëvendësministrat e Financave, Dimitar Kovaçevski dhe të Bujqësisë, Trajan Dimkovski, si dhe një numër biznesmenësh.

“Nga takimi i parë në Shkup në korrik e deri në nënshkrimin e parë të marrëveshjeve që do të bëhet në Tiranë, ne kemi treguar se vullneti i fortë politik mund të shndërrohet në një funksionim të shpejtë të institucioneve tona. Kjo konfirmon kapacitetin tonë si vende për të zbatuar reforma dhe politika të shpejta, efikase dhe të avancuara për bashkëpunim rajonal”, theksoi Zaev.

Sipas “Ora News”, në darkë ka marrë pjesë edhe Aleksandar Soros, djali i miliarderit George Soros , i cili është mik i madh i Ramës. Ai ka mbërritur në Elbasan me një automjet privat.

Sipas agjendës zyrtare, në orën 9:00 delegacionet duhet të mbërrijnë në pallatin e brigadave, në orën 9:05 do të ketë takim Rama-Zaev-Vuçiq, ndërsa në ora 9:30 fillon takimi, ku i pari do të drejtohet nikoqiri. Rama, pastaj Vuçiq, pastaj Zaev si dhe komisari për zgjerim dhe politikë të fqinjësisë, Oliver Varheji, Sekretarja e përgjithshme e Këshillit për bashkëpunim rajonal, Majlinda Bregu, drejtori i Sekretariatit të CEFTA-s, Emir Xhikiq, si dhe drejtori i Komunitetit të transportit, Matej Zakonjshek.

Pas nënshkrimit të pesë marrëveshjeve, për në orën 13:00 është paraparë një konferencë e përbashkët për shtyp.

Në trend Lajme

Më shumë
PDK voton kryesinë e re të partisë - pësojnë ndryshime në pozita disa prej figurave të njohura të kësaj partie

PDK voton kryesinë e re të partisë - pësojnë ndryshime në pozita disa prej figurave të njohura të kësaj partie

Lajme
Katër votat kundër Kosovës në Këshillin e Evropës dhe një abstenim, gjithçka që duhet të dini

Katër votat kundër Kosovës në Këshillin e Evropës dhe një abstenim, gjithçka që duhet të dini

Muhamet Hajrullahu
Pakënaqësi me Ligjin e pagave, Jasharaj paralajmëron protestë më 1 maj - nuk e përjashton mundësinë e grevës

Pakënaqësi me Ligjin e pagave, Jasharaj paralajmëron protestë më 1 maj - nuk e përjashton mundësinë e grevës

Elfije Boletini
Bedri Hamza i emëruari i PDK-së për kryeministër – kush mund të jenë kandidatët tjerë të partive politike?

Bedri Hamza i emëruari i PDK-së për kryeministër – kush mund të jenë kandidatët tjerë të partive politike?

Jehona Hulaj
Pamje nga të shtënat ku nisi konflikti në Prishtinë, ku humbën jetën dy persona

Pamje nga të shtënat ku nisi konflikti në Prishtinë, ku humbën jetën dy persona

Kronika e Zezë
Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Lajme
Kalo në kategori