Pas fluksit të madh të ikjeve të qytetarëve të Kosovës në fund të vitit të kaluar dhe në fillim të këtij viti, grupi parlamentar i AAK-së pati dalë me një rezolutë për pengimin e migrimit ilegal të qytetarëve të Kosovës, e cila edhe gjeti përkrahjen në Kuvendin e Kosovës dhe u miratua. Por, për hir të së vërtetës, nga kjo rezolutë nuk është bërë as edhe një hap i vetëm konkret për realizimin e ndonjë nga pikat e saja.
E, qytetarëve të Kosovës kontributi juaj në ndaljen e migrimit më së shumti u kujtohet përmes asaj deklaratës tuaj të famshme z. kryeministër, se "të gjithë ata që po ikin kanë Iphone" dhe po ikin nga qejfi.
Qeveritë e shteteve evropiane, sidomos Hungaria, nga mos angazhimi ynë u detyruan që të mbyllin kufijtë e tyre edhe me tela gjemborë për të ndaluar migrimin ilegal, gjë që edhe dha rezultatet e saja në ndalimin e migrimit të madh. Por, për hir të vërtetës, qytetari i Kosovës edhe sot, për shkak të jetës së rënduar çdo ditë e më shumë, papunësisë e mbi të gjitha humbjes së shpresës, të rinjtë nga Kosova po gjejnë lloj-lloj rruge për të migruar. Shumë qytetarë të Republikës së Kosovës edhe sot paguajnë me mijëra euro nga buxhetet e rënduara të familjeve kosovare, shpesh edhe duke u zhytur në borxhe e kredi, për të siguruar një vizë udhëtimi apo edhe ikje përmes rrugëve ilegale "në të zezë" drejt shteteve të BE-së.
Mjafton të shikojmë raportet e Policisë gjermane, franceze apo shteteve tjera për numrin e azilkërkuesve kosovarë, për të kuptuar të vërtetën e hidhur, të kundërtën e asaj që deklaroi kryeministri dje më 24.11.2015.
Një tjetër zhvillim i rëndësishëm është edhe trajtimi i të riatdhesuarve, ku shumica e tyre nuk kanë as ku të kthehen e lërë më të fillojnë një jetë së paku me kushtet elementare të jetës. Qeveria e Kosovës nuk ka bërë asgjë, ose ka bërë shumë pak që atyre që kthehen t’u mundësojë të fillojnë një jetë normale.
Migrimi i shumë qytetarëve është kryesisht i motivuar nga gjendja e rëndë sociale, papunësia dhe humbja e shpresës, prandaj Qeveria jonë duhet të fokusohet në këto tema e jo në gënjeshtra të njëpasnjëshme.
Qeverisja jo kualitative, mungesa e planeve ekonomike afatgjate, mungesa e investimeve, mungesa e garancive për një jetë dinjitoze njerëzore, si dhe shumë argumente tjera, janë fakte serioze që e detyrojnë qytetarin e Kosovës të marrë rrugët, shpesh edhe me rrezik për të ikur drejt vendeve të BE-së ose edhe vende tjera.
Qeveria e Kosovës duhet urgjentisht të gjejë forma për të ndaluar këtë ikje, e cila jo vetëm dëmton Kosovën në Integrimet në institucionet evropiane, në liberalizimin e vizave, por e dëmton pariparueshëm edhe në raportin e mbrendshëm.
Përmbushja e pikave të Rezolutës për Pengimin e Migrimit Ilegal të qytetarëve të Kosovës, së miratuar në Kuvendin e Kosovës, do të ishte një nismë e mbarë, një fillim i mirë për ndaljen e ikjes së mëtutjeshme të qytetarëve të Kosovës. Çdo deklaratë tjetër, nëse nuk fillojnë të merren hapa konkretë për ndalimin e kësaj dukuria, janë vetëm edhe një gënjeshtër e radhës nga ana e qeveritarëve tanë.
(Autori është udhëheqës i Departamentit për Diasporën dhe anëtar i Kryesisë së AAK-së)
Lufta Prigozhin - Putin
Më shumëPas ndarjes nga Xhensila, Bes Kallaku në një lidhje të re dashurie me ish-konkurrenten e “Përputhen”?
Tifozët janë të shokuar pasi mësuan çmimin që Aston Villa po e kërkon për Coutinhon
Kaluan natën së bashku - Ilnisa Agolli ndan një moment nga shtrati me Meritonin
Hansi Flickut nuk i bën përshtypje ylli i Barcelonës – planifikon ta largojë nga ekipi
Gjermania forcon të drejtat e të huajve pa nënshtetësi, shkak bëhet një djalë nga Kosova
Simptoma pak e njohur e sëmundjes së rëndë që mund të dallohet kur zgjoheni në mëngjes
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251
Më të lexuarat
Tifozët janë të shokuar pasi mësuan çmimin që Aston Villa po e kërkon për Coutinhon
Teuta Krasniqi flet për ankthin dhe depresionin që përjetoi pas ndarjes nga Blero
Pas ndarjes nga Xhensila, Bes Kallaku në një lidhje të re dashurie me ish-konkurrenten e “Përputhen”?
Southampton triumfoi në ndeshjen që vlen më shumë para se finalja e Ligës së Kampionëve - shuma që fitoi është e jashtëzakonshme
Kaluan natën së bashku - Ilnisa Agolli ndan një moment nga shtrati me Meritonin
Shpjegohet pse Chelsea nuk do të "pranojë automatikisht" vendin në Ligën e Konferencës